Skoazell:Dibarderioù ar Wikeriadur

Ur pennad eus ar Wikeriadur, ar geriadur liesyezhek frank a wirioù.
Sauter à la navigation Sauter à la recherche
Skoazell

Dibarderioù ar Wikeriadur

Kemerit amzer da lenn an nebeud linennoù-mañ a zispleg tuioù dibar ar Wikeriadur e-skoaz ar Wikioù all, ha dreist-holl e-skoaz Wikipedia, e c'hoar vras.

Ur geriadur eo ar Wikeriadur[kemmañ]

Kaer eo gouzout an dra-se, met n'eo ket didalvez kas da soñj adarre : ur geriadur eo ar Wikeriadur. Hag ur geriadur hollvedel ouzhpenn, da lavaret eo ez eus gerioù brezhonek ennañ, met ivez gerioù n'int ket brezhonek, gerioù eus yezhoù marv hag all.

N'eo ket echu : N'eo ket an termenadurioù hepken a vez roet gant ar Wikeriadur, met ivez un toullad resisadurioù yezhoniel diwar-benn ar gerioù. E bajenn A-zivout ar Wikeriadur e vo kavet ur berrzastumad eus an holl ditouroù a vez roet hiziv an deiz.

Ur geriadur brezhonek ouzhpenn[kemmañ]

Setu e termener ar gerioù eus an holl yezhoù e brezhoneg.

Peseurt kemm a zo etre ar Wikeriadur ha Wikipedia ?[kemmañ]

Lavaret e vez « N'eo ker Wikipedia ur geriadur, n'eo ket ar Wikeriadur un holloueziadur. »

Eleze, ez eus pennadoù holloueziadurel e Wikipedia ha pennadoù yezhoniel er Wikeriadur (a c'hell bezañ enno adkasoù war-zu Wikipedia evit ar re a fell dezho lenn an titouroù holloueziadurel evel-just). Evit ho skoazellañ d'ober an diforc'h, setu amañ un daolenn a ziskouez ar pennadoù a zo en daou Wiki-se :


Wikipedia Wikeriadur
aval : pennad diwar-benn an aval a-fet louzawouriezh, boued, armerzh, sevenadur… aval : pennad diwar-benn ar ger e-unan, e sterioù, e zistagadurioù…
(n'emañ ket e blas aze) davit
Einstein : pennad diwar-benn Albert Einstein. Einstein : pennad diwar-benn ar ger Einstein (ar fed ez eo un anv-tiegezh, e etimologiezh, e zistagadur...).
Kembre : pennad diwar-benn ar vro, he douaroniezh, hec'h istor, … Kembre : pennad diwar benn orin ar ger, e zistagadur, e droidigezhioù e yezhoù all, …
E Wikipedia, ne reer ket war-dro ar ger e-unan, met war-dro ar gouiziadurioù diwar-benn ar pezh a dalvez. Er Wikeriadur e reer war-dro ar ger hepmuiken (e furmioù, e sterioù), pas war-dro ar gouiziadurioù diwar-benn ar pezh a dalvez.

Lizherennoù bras ha bihan[kemmañ]

En enep d'ar raktresoù all, ne vez ket treuzfurmet lizherenn gentañ titloù ar pennadoù e pennlizherenn gant ar Wikeriadur. Setu e laka kemm etre « eost » hag « Eost ».

Taolit evezh ouzh ar reolennoù envel neuze pa savit pennadoù.

Danvez ar pennadoù : ur framm strizh[kemmañ]

Framm pennadoù ar Wikeriadur a heuilh reolennoù strizh a-walc'h a c'heller breutaat diwar o fenn c'hoazh.

Ar pep brasañ eus ar reolennoù-se a vo kavet e-barzh levr heñchañ ar stil. Koulskoude e vo aesoc'h a-wezhioù ober gant skouerioù eus pennadoù gant sikour levrioù heñchañ pep kevrenn.

Degemerablentez ar pennadoù[kemmañ]

N'emañ ket plas an holl c'herioù er Wikeriadur. Sellit ouzh pajenn an dezverkoù evit degemer ar pennadoù.

Merkomp dija e vez lezet er-maez :

  • anvioù an dud ;
  • ar buhezskridoù.

met lakaet e vez e-barzh :

  • ar gerioù a gaver er geriadurioù boas (nemet an anvioù divoutin) ;
  • anvioù ar broioù hag ar c'hêrioù bras ;
  • an troioù-lavar hag an troiennoù ;
  • an nevezc'herioù.

Hag adarre : taolit evezh bras ouzh titloù ar pennadoù hervez ar reolennoù envel.

Breur bihan Wikipedia…[kemmañ]

Dre m'eo bet ganet da heul Wikipedia, n'eo ket souezh en defe liammoù strizh ganti. Setu perak ez eus ul lodenn vat eus pennadoù brezhonek ar Wikeriadur a zo liammet ouzh re Wikipedia gant ul liamm e-barzh o c'hevrenn « gwelet ivez ».

A-hend-all ez oc'h aliet da liammañ pennadoù ar Wikeriadur gant pennadoù Wikipedia. N'eo ket diaes ober se gant ar patrom {{WP|Anv ar bajenn buket|Anv diskouezet}}.


Evit gouzout hiroc'h, Sellit ouzh pajenn ar gumuniezh hag ivez ouzh ar bajenn skoazell.