Kaozeal:derez-uhelañ

Un tamm kempenn

Lakaet em eus en-dro ar skouerioù gant ar ger derez-uhelañ bet skarzhet dre fazi moarvat.

Evit skañvaat ar pennad hag a zo diwar-benn ar ger "derez-uhelañ" (ha n'eo ket diwar-benn an derez-uhelañ e brezhoneg) em eus kaset ar skouerioù eus anvioù-gwan brezhonek en derez-uhelañ d'ar bajenn Stagadenn:Derez-uhelañ e brezhoneg.

Emichañs eo gwelloc'h an traoù evel-se.

--86.214.104.100 7 Eos 2015 da 18:40 (UTC)

Kement-se n'eo nemet un ali personel, ha n'hall ket seurt traoù (lemel danvez a-bouez, skouerioù klasket a-hed ar bloavezhioù ha degaset amañ) bezañ graet hep ali ar genlabourerien all. Bianchi-Bihan (kaozeal) 7 Eos 2015 da 21:04 (UTC)

Setu amañ fedoù ha n'int ket alioù personel :

• ar Wiki-mañ zo ur geriadur ha n'eo ket un holloueziadur ;
• ar bajenn derez-uhelañ a rank plediñ gant ar ger "derez-uhelañ" ha tra ken ; e kement geriadur a zo er bed emañ an displegadennoù yezhadurel hollek a-gostez ha n'emaint ket e-barzh pennadoù ar penngerioù ;
• ar frazennoù skouer gant ar ger derez-uhelañ a zo o flas er bajenn-se.

--86.214.104.100 8 Eos 2015 da 06:35 (UTC)

Demat, Ha ne gav ket deoc'h e vije bet dereatoc'h goulenn ali an implijerien all a-raok dilec'hiañ ar frazennoù skouer ? me, da skouer, n'on ket a-du gant ar pezh ho peus divizet ober hoc'h unan.--Prieladkozh (kaozeal) 8 Eos 2015 da 07:17 (UTC)

N'int ket bet skarzhet met diblaset el lec'h dereat rak n'int ket skouerioù eus ar ger derez-uhelañ. Ha perak e e vefe lakaet derezioù-uhelañ an anvioù-gwan brezhonek er pennad-se ? Ne'm eus lennet arguzenn ebet a-du gant ar mennad-se. Ha ma vefe graet evel-se perak ne vije ket lakaet ar re er yezhoù all kement hag ober ? A galon. --86.214.104.100 8 Eos 2015 da 08:08 (UTC)

Ha perak an diaoul ne c'houlennit ket ali an implijerien all en araok, Erwan gaezh ?--Prieladkozh (kaozeal) 8 Eos 2015 da 08:11 (UTC)