mallozh

Brezhoneg

Etimologiezh

Da geñveriañ gant ar gerioù melltith en kembraeg, molleth(yans) en kerneveureg, mallacht en iwerzhoneg.

Anv-kadarn

mallozh gourel pe benel , liester mallozhioù

1. Ar mallozh, pe ar vallozh, zo ur stad a walleur didrec'hus taolet gant un doue pe ur galloud dreistnaturel bennak, hini ur beleg pe ur sorser a-wechoù, da zegas droukchañs pe wallblanedenn d'un den pe ur strollad tud, a-wechoù evel kastiz. Taolet e vez ar mallozh gant un estlammadenn pe ur bedenn, gant huderezh pe strobinellerezh.
   • Mallozh ruz
   • Mallozh Doue!
   • Mallozh an doue
   • Mallozh ma doue
   • - Skourjez d'ar c'hezeg, mallozh ruz ! a c'harm Lan ar C'hor. — (Jakez Riou, Geotenn ar Werc'hez ha danevelloù all, Al Liamm, 1957, p. 35.)
2. Mallozh da unan bennak .

   Ha mallozh ruz d'ar C'hallaoued, Barzaz Breiz

   Ha malloz d'an hini a grede enebi. — (Tad Medar, Diwar c'hoarzin..., Ar Vuhez Kristen, Rosko, 1945, p. 16.)

3. Mallozh war unan bennak .

   Mil mallozh warnout, — (Fañch an Uhel, Kontadennoù ar Bobl/1, Al Liamm, 1984, p. 80.)— (Fañch an Uhel, Kontadennoù ar Bobl 2, Al Liamm, 1985, p. 22.), — (Fañch an Uhel, Kontadennoù ar Bobl 2, Al Liamm, 1985, p. 230.)

   Ma mallozh warnout, Peronig, — (Fañch an Uhel, Kontadennoù ar Bobl 3, Al Liamm, 1988, p. 47.)

   Ma mallozh ra vo warnout, — (Fañch an Uhel, Kontadennoù ar Bobl/1, Al Liamm, 1984, p. 139.)

Gerioù heñvelster

• milligadenn

Gerioù enepster

• bennozh

Deveradoù

• mallozher

• mallozhiñ

Troidigezhioù

• galleg : malédiction ^(fr)  ; juron ^(fr) , blasphème ^(fr)
• kembraeg : melltith ^(cy)

• kerneveureg : mollethyans ^(kw)
• saozneg : curse ^(en)  ; blasphemy ^(en)