gavr

Brezhoneg

Etimologiezh

Testeniekaet en henvrezhoneg (gabr)^[1].

Meneget er C'hatolikon (gaffr).

Da geñveriañ gant ar gerioù gafr en kembraeg, gavar en kerneveureg, gabhar en iwerzhoneg, gabros en galianeg.

Anv-kadarn

Gavr hag he menn en Australia.

gavr /ˈɡawr/ benel (liester gevr, givri)

1. (Loenoniezh) : Bronneg daskirier (Capra), dezhañ kerniel gwareget, skañv da redek ha da lammat. Kalz a spesadoù doñv pe ouez zo.
   • Pa voent aet en ti, e weljont ur wrac'hig kozh azezet war maen an oaled, ha war ar bank-tosel, e-kichen ar gwele, e oa ur c'havr o roiñ da ur bugel da denañ. — (Fañch an Uhel, Kontadennoù ar Bobl/4, Al Liamm, 1989, p. 29.)
2. penn-gavr: gavr
3. chaokat evel ur c'havr
   • Pikoù zo er soup ? Ez oc’h aze evel ur c’havr o chaokat drez. — (Jules Gros, Le trésor du breton parlé Deuxième Partie, 1970, p. 173.)
4. goro ar c'havr
   • Tud 'zo hag a lavar : goro da c'harv e-keit ma 'z out yaouank, rak anez-se n'az po ket nemeur a laezh pa vi kozh. — (Jarl Priel, Va Zammig Buhez, Al Liamm, 1954, p. 74.)

Gerioù kevrennek

• gavr c'houez
• gavrgen
• gavr-houarn

• gavr-venez
• gavr-vor

Troioù-lavar

• Treut evel ur c'havr.

Krennlavaroù

• Bezit du, bezit gwenn
  Pep gavr a gar he menn.
• D'ar beure eo goro ar c'havr evit ober soubenn d'an noz.
• E-lec'h ma vez staget ar c'havr emañ ret dezhi peuriñ.
• Keit ha ma vezer yaouank eo goro ar c'havr ha pa vezer kozh evañ al laezh.
• Na pa vez triwec'h gavr en ur vandenn
  Ar bouc'h eo ar c'habiten

Troidigezhioù

• esperanteg : kapro ^(eo)
• galleg : chèvre ^(fr)
• kembraeg : gafr ^(cy)

• kerneveureg : gavar ^(kw)
• saozneg : goat ^(en)
• turkeg : keçi ^(tr)

Gwelet ivez

• Ar pennad « gavr » e-barzh Wikipedia

Daveoù

Roll an daveoù :

• ^[1] : Glozennoù Berne, p. 3.