bandenn
Brezhoneg
|
Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ». |
Etimologiezh
- → Etimologiezh da glokaat (Ouzhpennañ)
Anv-kadarn 1
bandenn /ˈbãndɛn/ benel (liester : bandennoù)
- Tamm danvez, hir ha strizh, a dalvez da c'holeiñ, da ginklañ, da zelc'her un dra bennak, hag all
- <skouer.>
- Kelc'h houarn pe zir lakaet en-dro da gammed ur rod karr
- <skouer.>
- (Dre astenn-ster) Pezh kelc'hiek ha kleuz, anezhañ kaoutchoug dalc'het gant ur framm koton ha dir, a dalvez da c'holeiñ ar vouzelenn-rod hag a ra gwiskad diavaez ur rod
- <skouer.>
- Rann eus ur pezh dilhad a vez gronnet an dargreiz ganti
- He blev a ziskenne izeloc'h evit bandenn he brozh. — (Jules Gros, Le trésor du breton parlé Deuxième Partie, 1970, p. 30.)
- (Dre astenn-ster) Dargreiz
- ... E vezent betek o bandenn en dour e-pad an deiz. — (Jules Gros, Le trésor du breton parlé Deuxième Partie, 1970, p. 30.)
- O ! me am eus poan aze evel-se em bandenn. — (Jules Gros, Le trésor du breton parlé Deuxième Partie, 1970, p. 31.)
Troidigezhioù
galleg : bandage (fr) ; bande (fr) , bandeau (fr) ; ceinture (fr) (taille) ; cercle de roue (fr) ; tour de taille (fr)
Anv-kadarn 2
bandenn
- Strollad tud
- [...], nemet ur vandenn baotred yaouank a yoa aet da ambroug Canclaux, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 221.)
- [...], met ne deue ket a-benn da gaout an disamm eus bandenn Dudley a deue bemdez d'an ti. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 37.)
- Strollad loened
- Ur vandenn saout. — (Jules Gros, Le trésor du breton parlé Deuxième Partie, 1970, p. 31.)
Krennlavarioù
- Na pa ve triwec'h gavr en ur vandenn
Ar bouc'h eo ar c'habiten. — (Jules Gros, Le trésor du breton parlé Troisième Partie, 1974, p. 304.)