evit ma
Brezhoneg
Etimologiezh
Stagell isurzhiañ
evit ma /Distagadur ?/
- Stagell isurzhiañ a verk ar pal (en amzer-da-zont, asur ar pal).
- "Ret 'vo deoc'h gwriat prim, prim. Pa ne chomo ganeoc'h nemet daou pe dri wri d'ober, e lârfet kreñv, evit ma klevin : Pare on ! N'ankouaet ket !" — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 63.)
- Dal, kemer ur banne evit ma savi gwelloc'h da seulioù. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 3.)
- D'am merc'h Marivonig, evit ma talc'ho bev ha start en he c'halon karantez e-keñver he zud, he yezh hag he bro. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 7.)
- - Evit ma 'z aio ar bed d'e bal. — (Abeozen, Pirc'hirin Kala-Goañv, Al Liamm, eil emb. 1986, p. 22.)
- — Setu ama petra m'euz sonjet : red eo d'eomp klask golo enn eur vro vad, ekreiz an dud a zo a du ganeomp, evit ma vezo easoc'h d'eomp kaout eun tamm boued ha klevet kelou euz a zoudarded ar republik. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 8.)
- — [...] ? Hogen, evit ma c'hellin da zidamallout da vat dirak an holl, na guzh mui netra din a-zivout ganedigezh da grouadurig. — (Langleiz, Romant ar Roue Arzhur/levrenn I : Marzhin, Al Liamm, 1975, p. 25.)
- Mar teu avad, deut en he raok ama, evit ma 'z in ganeoc'h da zigemeret anezi, pa en em gavo. — (G. MILIN, Gwechall-goz e oa..., Kemper, 1924, p. 12.)
- Ar mestr-studi, bihan eo ha lakaat a ra ur geriadur war e gador evit ma paro e selloù war ar sal-studi penn-da-benn. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 24.)
- ..., un taol-yud a-berzh an Ankou na dremen ket alies hep deskiñ dimp ez eo mestr d'ober e giz ma kar evit ma vo trenkoc'h hon anken ha c'hwervoc'h hon glac'har. — (Jarl Priel, Va Zammig Buhez, Al Liamm, 1954, p. 44.)
- Hag hiziv, evit ma vezo rodet e garr ha troet ar waremm penn-da-benn, ez eo deut da Foar Gastellin, da werzhañ e ebeul. — (Jakez Riou, Geotenn ar Werc'hez ha danevelloù all, Al Liamm, 1957, p. 20.)
- Stagell isurzhiañ a verk ar pal (en doare-divizout dic'hallus, diasur ar pal).
- Ne oa ken nemete d'arruout evit ma vije sinet ar c'hontrad ha digoret ar friko. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 20.)
- Evit m'he dije an avel nebeutoc'h a beg, e voe diskennet ar gouelioù, met kerkent ez eas al lestr d'en em deurel ouzh un draezenn. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 18.)
- Gant reor ar picher e strabouilhas an dour er feunteun, evit ma redje buanoc'h er-maez ha ma yaje bilim an touseg d'e heul. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 26.)
- ‘... Marteze peogwir 'oant re dost ouzh Dumbledore evit ma c'halljent c'hoantaat ober un dra bennak e Bed an Deñvalijenn. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 62.)
- Map roue an Hiberni a lavaras da lod eus e dud ober an dro d'ar brezeller yaouank ha derc'hel anezan er penn kenta, evit ma c'hellje dont da anaout piou e oa. — (G. MILIN, Gwechall-goz e oa..., Kemper, 1924, p. 31.)
- Dre se e kilen dirak ur gefridi ken arvarus rak diaviz e vijen bet o pediñ ur vaouez da voulc'hañ he c'huzhiadenn evit ma c'hellje dimeziñ d'ur plac'h all ar c'hanfard o paouez treiñ kein d'he merc'h. — (Jarl Priel, Va Buhez e Rusia, Al Liamm, 1955, p. 16.)
- ..., ur c'hommandant kozh-kozh, un tammig re grenn evit ma vije gallet ober dioutañ un den a vent vat, hogen un nebeudig re vras evit bezañ heñvel-mik ouzh ur c'hornandon. — (Jarl Priel, Amañ hag Ahont, Al Liamm, 1957, p. 14.)
- Stagell isurzhiañ a verk ar pal (en doare-divizout gallus).
- Ur vuhez renket evit ma vefe-eñ evurus o santout an amzer o tremen : evit ma c'hellfe, bemnoz, en em santout pinvidikoc'h gant un devezh evurusted muioc'h. — (Pêr Denez, Glas evel daoulagad c'hlas na oant ket ma re, Al Liamm, 1979, p. 24.)
- - A-raok kregiñ ganti emaon o vont da c'houlenn digant pep kuzulier mouezhiañ evit ma vefe dalc'het ar vodadeg-kuzul-mañ kenetrezomp. ... — (Goulc'han Kervella, Brezel ar Rigadell, Al Liamm, 1994, p. 17.)
- Ha c'hwi, treboulet holl, ha skrivañ d'ho pried e oac'h klañv, d'e lakaat da zistreiñ d'ar gêr an abretañ ar gwellañ evit ma c'hellfe tremen c'hoazh, gant un tammig youl vat, da dad ho pastard.. — (Langleiz, Romant ar Roue Arzhur/levrenn I : Marzhin, Al Liamm, 1975, p. 24.)
- - N'oun ket ken diskiant-ze ! eme ar c'habiten. Te a zo re vat da gaout el lestr, evit ma laoskfen ac'hanout. — (G. MILIN, Gwechall-goz e oa..., Kemper, 1924, p. 63.)
- Ret eo krediñ e rank ar re dineuz menel kuzhet noz ha deiz en o zi, moarvat evit ma kreskfe brud-vat ar vro. — (Jarl Priel, Va Zammig Buhez, Al Liamm, 1954, p. 96.)
- Stagell isurzhiañ a verk ar c'heñveriañ.