sot

Gwelet ivez : sod

Brezhoneg

Etimologiezh

Eus ar ger gallek sot.

Anv-gwan

Derez	Furm
Derez-plaen	sot
Derez-uheloc'h	sotoc'h
Derez-uhelañ	sotañ
Derez-estlammiñ	sotat

sot /ˈsoːt/

1. Dispered.
   • Traoù sot ha diskiant eo an traoù-se, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 192.)
   • Dre ali Paol-gornek o sutal em fenn sot,
     E peurjon er prad-se ledander va zeod. — (G. Milin, Marvaillou grac'h-koz, Brest, 1867, p. 26.)
2. Sot gant un dra bennak pe unan bennak : dall gant un dra bennak pe unan bennak, a blij kalz an dra-se pe an den-se dezhañ, dezhi, pe dezho.
   • Sot gant ar wersed — (Fañch an Uhel, Soniou Breiz-Izel 1, Pariz, 1890, 1971, p. 312.)
   • Ar merc'hed a zo sot-pitilh gant paotred ar c'houarnamant. — (Loeiz ar Floc'h, Trubuilhou ar seiz potr yaouank, 1927, p. 35.)
   • Houmañ a rae trouz d'he merc'h a-wechoù, war digarez e oa re sot gant he den. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 29.)
   • Gwasad ma'z eo sod gand an arhant ! — (Jules Gros, Le trésor du breton parlé Première Partie, 1966, p. 29.)
   • Me oa sot ganti ha hi a oa sot ganin — (Jules Gros, Le trésor du breton parlé Troisième Partie, 1974, p. 41.)
3. mont sot, treiñ sot : sodiñ, dont da vezañ sot

Gerioù heñvelster

Dispered

• diboell
• diot
• diskiant

• dispered
• droch
• foll

• gay
• nay

Deveradoù

• sodadenn
• sodiñ
• sotaat

Gerioù kevrennek

• hantersodez
• hantersot
• peursod

Troiennoù kreskiñ

• sot-kaer
• sot-magn
• sot-mik
• sot-nay
• sot-paner
• sot-permil
• sot-pik
• sot-pitilh
• sot-plaen
• sot-railh
• sot-ran
• sot-rik

Troioù-lavar

• sot da stagañ
• sot gant un dra bennak / sot gant unan bennak

-sot evel...

• sot evel ur baner
• sot evel ur c'hwil-derv
• sot evel ur Gwenedour
• sot evel ur penton

-sotoc'h eget ...

• ... ma botez kleiz
• ... e votoù

-ken sot ken ...

• ... e vez gwelet e voued ennañ
• ... e tro an douar dindanañ

-troiennoù verbel

• mont sot
• treiñ sot

Krennlavaroù

• Lezel ar chas tagnous da harzal
  Hag an dud sot da gaozeal — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 64.)
• Pep hini a vez sot gant e dammoù loened. — (Jules Gros, Le trésor du breton parlé Troisième Partie, 1974, p. 63.) (... gant e damm loened. — (Jules Gros, Le trésor du breton parlé Troisième Partie, 1974, p. 306.)

Troidigezhioù

Dispered

• galleg : sot ^(fr) , bête ^(fr)
• saozneg : stupid ^(en) , daft ^(en)
• spagnoleg : tonto ^(es) , estúpido ^(es)

Dall

• galleg : fou ^(fr)

Galleg

Etimologiezh

Eus ar ger latin krennamzerel sottus.

Anv-kadarn

sot /'so/ gourel (benel sotte); liester : sots, sottes.

1. sod, den sot.
   • C'est un sot! - Hennezh zo sot!
   • les sots - An dud sot, ar sodien.

Anv-gwan

sot /'so/ ( liester : sots, sottes).

1. sot

Saozneg

Etimologiezh

Eus an anv gallek sot.

Anv-kadarn

sot /sɒt/

1. sod, den sot
2. lonker, mezvier

Deveradoù

• sottish