gwengel
Brezhoneg
Etimologiezh
- Diwar gwenn ha kel.
- Meneget e Lavar 19, Preder, 2016, p. 157, evel ur ger bet luniet gant w:Alan Heussaff er bloavezhioù 1950, diwar un termen iwerzhonek.
Anv-kadarn
gwengel /ˈgɥɛ̃ngɛl/ gourel (liester : gwengeloù, gwengelioù )
- Danevell boblel pe lennegel, gant tudennoù dreistdenel ha darvoudoù heverk enni.
- Ne c’hellomp ket mirout a soñjal e gwengel an Oad Aour, evel ma teue ivez gant ar varksourion gentañ : [...] — (Emsav niv. 18, Mezheven 1968, p. 174.)
- Mab-den, hervez ar gwengel, zo bezant ennañ an holl loened, an Natur a-bezh. — (Abanna, Ar paradozioù kollet, Al Liamm niv. 142, 1970, p. 347.)
- Troadet gantañ e vartezeadenn nevez e stumm ur gwengel, setu ma verz ennañ emplegadurioù teologel. (Fañch Kerrain, Keal Doue War-Lec'h Auschwitz, Mouladurioù Hor Yezh, 2013, p.23.)
- Gwengel kozh liorzh an Eden, ha mojenn ur bed o tinodiñ, [...] — (Malo Bouëssel du Bourg, Al Liamm niv. 402, 2014, p. 74a.)
Deveradoù
- gwengelañ
- gwengelaat
- gwengelegezh
- gwengelek
- gwengelel
- gwengeloniezh
- gwengeloniezhel
- gwengelour
- gwengelouriezh