edo
Brezhoneg
Etimologiezh
- Savet diwar ar bennrann ed- hag an dibenn-ger -o.
Furm verb
edo /eˈdoː/ Stumm lec'hiañ ar verb bezañ e trede gour unan an amzer-dremenet, en doare-disklêriañ. Furm emañ en amzer-dremenet.
- evit al lec'hiañ
- Gwechall edo an traoù er c'hiz-se ; [...] — (Lan Inizan, Emgann Kergidu 1, Brest, 1877, eil emb. Al Liamm 1977, p. 130.)
- Dont a reaz da sonj dign enn eun taol, edo ganen, em godel, va benviachou tenna-tan [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 42.)
- Bez' ez edo o vont kuit evel ar re all ivez pa wel un toull.. . — (G. MILIN, Gwechall-goz e oa..., Kemper, 1924, p. 60.)
- ..., ha d'e vamm-gozh o c'houlenn digantañ da belec'h edo o vont, e lavaras :
- Da zornañ !... — (Jakez Riou, Geotenn ar Werc'hez ha danevelloù all, Al Liamm, 1957, p. 33.) - Bez' edo neuze e-tal ti un den kozh. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 199.)
- heuliet gant un ober
- [...] bremaik edo o tennañ warnomp — (Lan Inizan, Emgann Kergidu 1, Brest, 1877, eil emb. Al Liamm 1977, p. 224.)
- Endra edo Yann o tec'hout kuit e klevas ar briñsez... — (Troude ha Milin, Labous ar Wirionez ha Marvailhoù all, Skridoù Breizh, 1950, p. 78.)
- Bez' ez edo o vont kuit evel ar re all ivez pa wal un toull.. . — (G. MILIN, Gwechall-goz e oa..., Kemper, 1924, p. 60.)
- Sada hag hor martolod ha mont war gein an Avel-uhel, ha pa ’z edo o tremen a-zioc’h an Indez, hag eñ sellet dre eno ha gwelet er porzh al lestr ma ’z oa bet warnañ. — (G. MILIN, Gwechall-goz e oa..., Kemper, 1924, p. 74-75.)
- evel verb-skoazell gant un anv-gwan-verb (ral, peurvuiañ e vez graet gant oa )
- Un abardaez hañv, edo azezet el liorzh. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
- gant un anv-gwan (ral)
- [...], a welas war ar gazetenn edo nevez-erru e Pariz ur medisin bras hag a ouie diouzh an holl gleñvedoù. — (Marsel Klerg, Faltazi an amzerioù kent, Mouladurioù Hor Yezh, 1999, p. 21.). Iskis ivez kavout edo gant ur rener amstrizh.
- E deroù ur frazenn:
- Ne c'helle ket an den santel chom en arvar : edo an Droug-Spered o troïdellat en-dro dezhi. — (Langleiz, Romant ar Roue Arzhur/levrenn I : Marzhin, Al Liamm, 1975, p. 18.)
- Edo va biz var bluen va fuzil, eur zachadenn hag oa great gant-han.... — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 94.)
- Edo o vonet da zigeriñ tiretenn penn an daol da gemer al loaioù hag ar c'hontilli pa gredas dezhi klevout trouz adarre. — (Jakez Konan, NOZ AR PELLGENT, Al Liamm niv. 65, Du-Kerzu 1957, p. 11.)
- Edo Laouig o vont da deurel, er baill kouez, e c’hoarig vihan daou vloaz, dre ma ’z oa fank he dillad. — (Ar c'hoz vedisin - Adrien de Carné, p. .. .)