bleuñv

Brezhoneg

Etimologiezh

Testeniekaet e henvrezhoneg bloduu.

Meneget er C'hatolikon bleuzu, bleuzff.

Kar d'an unanderioù blawd e krenngembraeg, bleujenn e kerneveureg ha bláth en iwerzhoneg^[1].

Deuet eus ur ger keltiek *blātus « bleuñvenn », anv-verb deveret eus ar wrizienn indezeuropek *bʰleh₃-, heñvel ouzh bloem e nederlandeg ha flōs e latin^[2].

Indezeuropeg	Henamzer uhel Kentkeltiek h.a.	Henamzer Predeneg h.a.	Krennamzer uhel Henvrezhoneg h.a.	Krennamzer izel Krennvrezhoneg h.a.	Amzerioù modern Brezhoneg h.a.	Yezhoù all
*bʰleh₃-^(en)	*blātus^(en),^[1]	*blọd^(en)	bloduu	bleuzu, bleuzff	bleuñv
			blodon		bleujen	Kerneveureg
			anu	blawd, blawt	blawd, blodyn	Kembraeg
		blātunā (Blātumagos)			belladone	Galianeg
			bláth		bláth [iwerz.]	Gouezeleg

Anv-kadarn

bleuñv /blœ̃w/ strollder gourel (unanderenn : bleuñvenn)

(Louzawouriezh) Rannoù eus ar plant, livet flamm, stummet brav ha frondus darn anezho, zo an organoù gouennañ enno.
- Dinec'h e oant diwarbenn madou ar bed kerkoulz ha diwarbenn o oad a gerze, a zoug e gamm, ker goustadik hag ar ster vihan e-touez bleuñv ar prad. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 55.)
1. dont en e vleuñv: dont d'ober bleuñv
  - Pa deuio an ed en o bleuñ. — (Jules Gros, Le trésor du breton parlé Deuxième Partie, 1970, p. 52.)
(diwar-benn an diedoù) Foue a laka ur groc'henenn da grouiñ war-c'horre al liñvennoù alkoolek pe sukret, hep o lakaat e go koulskoude.
(Mezegiezh) Amzerioù, mizioù (diwar-benn ar merc'hed).
(dre skeudenn-lavar) Mare gwellañ, lodenn wellañ.

Gerioù heñvelster

(rannoù eus ar plant) : bleunioù, boked, fleur
(mare gwellañ, lodenn wellañ) : begenn

Deveradoù

Krennlavaroù

N'hall ket ar wezenn kaoud bleuñ hag avalo. — (Jules Gros, Le trésor du breton parlé Troisième Partie, 1974, p. 306.)
Pa vez an delioù a-raok ar bleuñv, mamm an avaloù he dez keuz.

Troidigezhioù

1. Rannoù eus ar plant

galleg : fleurs ^(fr) benel
iwerzhoneg : bláthanna ^(ga) gourel
kembraeg : blodau ^(cy) gourel
kerneveureg : bleujyow ^(kw) gourel
saozneg : flowers ^(en)

Daveoù

Roll an daveoù :

^[1] : Peter Shrijver, Studies in British Celtic Historical Phonology, Amsterdam, Rodopi, 1995, p. 179.
^[2] : Ranko Matasović, Etymological Dictionary of Proto-Celtic, Leyden, Brill, 2009, p. 67-8.

↑ Ranko Matasović : Etymological Dictionary of Proto-Celtic (2009), p67

[1] Ranko Matasović : Etymological Dictionary of Proto-Celtic (2009), p67

[1]