bezañ en e vleud

Brezhoneg

Etimologiezh

Diwar ar verb bezañ, an araogenn mesket en, an anv-gwan perc'hennañ e hag an anv-kadarn bleud.

Troienn verb

bezañ en e vleud /Distagadur ?/

1. N'eo ket lakaet diaes, n'eo ket nec'het gant tra
   • Ya, neuze e vezen em bleud war al lestr dihenchet-se, [...]. — (Jarl Priel, An Teirgwern Pembroke, Al Liamm, 1959, p. 135.)
   • Me, 'vat, a oa em bleud eno. — (Jules Gros, Le trésor du breton parlé Deuxième Partie, 1970, p. 52.)
   • Aze out ez pleud ! — (Jules Gros, Le trésor du breton parlé Deuxième Partie, 1970, p. 52.)
   • « E gwirionez », emezañ, « em bleud emaon er beure-mañ ». — (Jakez Konan, Ur marc'hadour a Vontroulez, Al Liamm, 1981, p. 91.)
   • E wreg, hi, a seblante bezañ en he bleud. — (Abeozen, Pirc'hirin Kala-Goañv, Al Liamm, eil emb. 1986, p. 17.)
   • En e vleud e veze Jud eno ha souezhet e oan bet — hegazet e gwirionez — o verzout e oa anavezet gant an holl, hag eñ nevez-erru e kêr. — (Mich Beyer, Seizh Devezh Warn-ugent, An Alarc'h Embannadurioù, 2006, p. 24.)

Troiennoù heñvelster

• bezañ en e ched
• bezañ en e aez
• bezañ en e charreoù
• bezañ en e vutun
• bezañ en e zour hag en e c'heot

Troidigezhioù

• galleg : être à l'aise ^(fr) , être à son aise ^(fr) , être bien dans sa peau ^(fr) , être dans son assiette ^(fr) , être dans son élément ^(fr) , être en forme ^(fr)