Skoazell:Rummennoù ger

Skoazell Dibab ar rummennoù ger

Emañ c'hoazh ar bajenn-mañ o sevel ha da glokaat. Dalc'hit kont eus an dra-se pa lennit an danvez anezhi.

A-wezhioù e c'hell bezañ diaes gouzout petra eo rummenn ger sintagmoù 'zo : pal ar bajenn-mañ eo klask sikour ac'hnaoc'h da zibab rummenn ger ar gerioù hag an troiennoù : verb, anv-kadarn..., hag o furm.

Ar seurtoù rummennoù ger

Meur a rummenn ger a zo evit ar sintagmoù :

• anvioù-kadarn {{-ak-}}
• anvioù-gwan {{-ag-}}
• verboù {{-verb-}}
• adverboù {{-adv-}}
• kentanvioù {{-kentanv-}}
• araogennoù {{-ar-}}
• stagelloù {{-stl-}}
• raganvioù {{-rag-}}
• estlammadelloù {{-estl-}}
• gerioù-mell strizh {{-gm-s-}}
• gerioù-mell amstrizh {{-gm-a-}}
• rakgerioù {{-rg-}}
• lostgerioù {{-lg-}}
• dibennoù-ger {{-dg-}}

Troiennoù 'zo a zo hollekoc'h o zalvoudegezh ha tosk int ouzh frazennoù ; evit ar re-se e vo implijet patrom an troiennoù : {{-tr-}}.

• troiennioù {{-tr-}}
  • troiennoù anv-kadarn {{-tr-ak-}}
  • troiennoù anv-gwan {{-tr-ag-}}
  • troiennoù verb {{-tr-verb-}}
  • troiennoù adverb {{-tr-adv-}}
• teskanvioù {{tesk}}
• gwreskanvioù {{gwresk}}
• arouezioù {{-arouez-}}

Furmoù ar sintagmoù

Dindan meur a furm e c'heller kavout ar sintagmoù, met distag eo ar furm diouzh ar rummenn ger. Ne zeuy ket da vezañ titl ar gevrenn « anv-kadarn » pe « verb », nemet an troiennoù a vez meneg ar rummenn ger da heul (troienn adverb, hag all).

Lakaet e vo kemm etre :

ar gerioù eeun

heuliad lizherennoù dispartiet gant esaouennoù e-barzh testennoù

kazh, ger, aval, debriñ,…

ar gerioù kevrennek

gerioù eeun liamm gant barrennigoù-stagañ

aval-douar, mamm-gozh, e-barzh, diskar-amzer…

an troiennoù

teskadoù gerioù (eeun pe gevrennek)

ar gêr, en ur, eus perzh,…

• Ret eo menegiñ ar furm-se er pennadoù, rummenn ger hag all : troienn adverb, anv-kadarn, hag all. Sellet ouzh Wikeriadur:Roll an holl batromoù evit se.

Met ivez :

ar berradurioù

gerioù berraet, a echu gant ur pik a-wezhioù.

Ao., bio., h.a.…

• Ret eo menegiñ ar furm-se war linenn furmoù ar ger gant ar patrom {{berr}}.

an teskanvioù

teskad lizherennoù-tal un droienn a ya d'ober ur ger a vez lennet lizherenn-ha-lizherenn

KEAV, SNCF, KSB,…

• Ret eo menegiñ ar furm-se war linenn furmoù ar ger gant ar patrom {{tesk}}.

ar gwreskanvioù

teskanvioù a vez distaget evel ar gerioù all

DABU, ERASMUS,…

• Ret eo menegiñ ar furm-se war linenn furmoù ar ger gant ar patrom {{gwresk}}

Dalc'hit soñj : an notadurioù diwar genemglev evel « m » evit ar metr, Ω evit ohm pe « H » evit an hidrogen, n'eus ket berradurioù anezho met arouezennoù implijet e-giz arouezioù ; graet e vo neuze gant ar patrom {{-arouez-}}

Dibab ar rummenn

Evit dibab rummen ur sintagm bennak e vez trawalc'h peuvuiañ erlec'hiañ outañ ur sintagm all a anavezer e rummenn en ur frazenn, ha gwririañ hag-eñ he deus ar frazenn nevez ur ster c'hoazh (a-fet yezhadur).

Da skouer, petra eo rummenn « mont en-dro » er frazenn Klask a ra deskrivañ mont-en-dro ar yezhoù. :

• erlec'hiomp « kanañ » ouzh « mont en-dro » : Klask a ra deskrivañ kanañ ar yezhoù.

  N'eus ster ebet d'ar frazenn-se : setu n'eo ket hon troienn ur verb.

• esaeomp un dra all : Klask a ra deskrivañ ton ar yezhoù.

  Mat eo ar wezh-mañ ! un anv-kadarn eo « ton » setu ez eo « mont en-dro » un droienn anv-kadarn.