deoc'h

Brezhoneg

Furm araogenn

deoc'h /Distagadur ?/

1. Furm an araogenn da, displeget en eil gour lies.
   • — Kenavo, Lena. — Ha deoc'h ivez, Arzel ... — (Visant Seite, Ar brezoneg dre radio, eil levrenn, 1975, p. 118.)
   • ... n'eo ket ar boan da zen, na deoc'h, na da re all, klask ober trouz amañ. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 166.)
2. gant ar verboù diskouez, kavout, kontañ, lavarout, reiñ:

   Diwallit, pa lavaran deoc'h, na deufe unan bennak rak va zad n'eo ket evit gouzañv gwelet ac'hanon o kuzulikat gant unan bennak en deizioù-mañ, dreist-holl. — (Yann-Vari Perrot, An aotrou Kerlaban, Brest, 1923, p. 3.)

   • Ma c'houlennit perak e fell gant Erwan Pennaroz ober ken brav d'e falc'herien, e lavarin deoc'h eo dre reizhded, dre galon vat. — (Brogarour, Onenn, 1936, p. 83.)
   • "Reune, ma mignon, ne gav' ket deoc'h ec'h eomp re brim ?" — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 20.)
   • Ne c'hellan ket kontañ deoc'h amañ kement tra a galon a voe graet e-pad emgann Kergidu ; [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 215.)
3. gant arabat, dleet, ret,
   • Arabat deoc'h diskouez netra d'ho tad. — (Yann-Vari Perrot, An aotrou Kerlaban, Brest, 1923, p. 5.)
   • C'hwi a oa dleet deoc'h bezañ sklêrijennet ac'hanon. — (Jules Gros, Le trésor du breton parlé Deuxième Partie, 1970, p. 474.)
   • ret eo deoc'h
4. evel eil araogenn:
   • ''Dor 'r Baradoz 'us deoc'h digoret [...] 'R Baradoz us d'ho penn serret. — (Fañch an Uhel, Gwerziou Breiz-Izel 1, An Oriant, 1868, p. 158.)
   • deoc'h-hu

Stummoù all

• d'eoc'h
• - .... N'hoc'h eus ken tra da ober, mar fell d'eoc'h beza en hoc'h eas, nemet laza ho pioc'h ha teurel he fevar zroad er-meaz, ... — (G. MILIN, Gwechall-goz e oa..., Kemper, 1924, p. 86.)

Troioù-lavar

• a gav deoc'h
• bennozh deoc'h
• bennozh Doue deoc'h
• demat deoc'h !
• kenavezo deoc'h!
• kenavo deoc'h!
• ret eo deoc'h
• trugarez deoc'h
• ne fell ket deoc'h
• ne fellfe ket deoc'h

Troidigezhioù

• saozneg : to you ^(en)
• galleg : à vous ^(fr)