treut

Gwelet ivez : Treut

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

Diwar treut en krennvrezhoneg.

Da geñveriañ gant an anv-gwan kembraek tlawd (paour en brezhoneg).

Anv-gwan

Derez	Furm
Derez-plaen	treut
Derez-uheloc'h	treutoc'h
Derez-uhelañ	treutañ
Derez-estlammiñ	treutat

treut /ˈtrøːt/ (furm vihanaat treutik)

1. Nebeut a gig ennañ e-keñver e vent, pa gomzer eus ur boud bev
   • Kaer o devoa e zivesker bezañ treut ha hir, [...]. — (Jakez Konan, Lannevern e Kañv ha Danevelloù All, Al Liamm, 1980, p. 15.)
2. Nebeut a zruzoni ennañ pe outañ, pa gomzer eus boued.
   • Job a oa aozet dezhañ gant e vamm ur soubenn rous treutik a-walc’h [...]. — (Jakez Riou, An Ti Satanazet, Skridoù Breizh, 1944, p. 27.)
3. A zo nebeut anezhañ, pa gomzer eus ar bevañs.
   • Al logod, avat, dre ma oa treut an traoù en ti a oa tec’het war-du ul lec’h all. — (Jakez Riou, An Ti Satanazet, Skridoù Breizh, 1944, p. 63.)
4. (diwar-benn an amzer) Yen ha sec'h.
   • Avel dreut. — (Jules Gros, Le trésor du breton parlé Deuxième Partie, 1970, p. 541.)
   • Avel skarin, treut an amzer. — (Anjela Duval, Segal e-barzh Kan an Douar, Al Liamm, 1978, p. 49.)

Gerioù enepster

• lart
• tev

Deveradoù

• marc'h treut
• treudasenn
• treudenn
• treudiñ
• treudoni
• treutaat
• treuted
• treuter
• treut-eskern
• treut-gagn
• treut-karn
• treut-ki
• treut-kign
• treut-skoul

Troioù-lavar

• mont gant ar marc'h treut
• ober selloù treut
• ul labous treut

Troiennoù keñveriañ

• treut evel an Ankoù
• treut evel un askell-groc'hen
• treut evel un dreujenn lann
• treut evel ur c'havr
• treut evel ur c'hi
• treut evel ur gioc'h
• treut evel ur vazh-gwisket
• treut evel ur vazh-kleud

Troidigezhioù

N'eo ket tev

• alamaneg : mager ^(de) , dünn ^(de)
• esperanteg : malgrasa ^(eo)
• galleg : maigre ^(fr)
• saozneg : thin ^(en) , skinny ^(en)

Yen ha sec'h

• galleg : froid ^(fr)