a-zoug e gamm

Brezhoneg

Etimologiezh

Diwar an adverb a-zoug-kamm hag an anv-gwan perc'hennañ e.

Furm adverb

a-zoug e gamm /aˌzuɡeˈɡãmː/

1. Furm an adverb a-zoug-kamm, displeget en trede gour unan gourel
   • Dinec'h e oant diwarbenn madou ar bed kerkoulz ha diwarbenn o oad a gerze, a zoug e gamm, ker goustadik hag ar ster vihan e-touez bleuñv ar prad. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 55.)
   • Tostaat a rae a-zoug-e-gamm, taer ha sonn war un dro, evel unan n'en deus netra da zoujañ digant den. — (Langleiz, Tristan hag Izold, Al Liamm, 1972, p. 43.)
   • E varc'h a lezas da gerzhout a-zoug e gamm. — (Jakez Konan, Ur marc'hadour a Vontroulez, Al Liamm, 1981, p. 7.)

Gerioù heñvelster

• war e bouez
• war e bouezig

Troidigezhioù

• galleg : au pas ^(fr)
• galleg : lentement ^(fr) , peu à peu ^(fr)
• galleg : pas à pas ^(fr)