yec'hed

Brezhoneg

Etimologiezh

Savet diwar an anv-gwan yac'h.

Meneget er C'hatolikon (yechet).

Da geñveriañ gant ar gerioù iechyd en kembraeg, yeghes en kerneveureg.

Anv-kadarn

yec'hed /ˈjeːɣet/ gourel (liester : yec'hedoù)

1. Stad padus an den yac'h.
   • Traoù zo hag a dremen en hon c'horf hep gouzout dimp ; ar c'hleñved hag ar yec'hed, an tomm hag ar yen a zo traoù a deu hag a ya drezomp, hep gouzout dimp, koulz lavaret. — (Yann-Vari Perrot, Erwan ar Moal, Bue ar Zent, Montroulez, 1912, p. 716.)
2. Bezañ en e yec'hed, war e yec'hed, e-kreiz e yec'hed .
3. Koll e yec'hed.
4. Mont e yec'hed digant un den : koll e yec'hed.
5. Mont da fall yec'hed un den.
   • Da fall eo aet e yec'hed.
6. Distreiñ, dont, ar yec'hed da un den.
7. Evañ (banneoù), sevel gwer, da yec'hed un den.
   • Ni a evo da yec'hed an hini a zo bremañ tost da zouar Bro-Saoz ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 230.)
   • Evomp ur chopinad ha yec'hed d'ar re vev . — (Jakez Riou, An Ti Satanazet, Skridoù Breizh, 1944, p. 16.)
   • ... pa veze huchet warnoc'h Skold ! en ur sevel d'ho yec'hed ur werenn d'an nec'h, e veze ret deoc'h lonkañ en un alanad forzh petra 'veze diskennet deoc'h, bier, gwin, pe hini-kreñv ar vro, un dra n'eo ket gwell vlazet mat, met nerzh a zo ennañ, pa lavaran. — (Jarl Priel, Va Zammig Buhez, Al Liamm, 1954, p. 165.)
8. Evañ da yec'hed un den.
9. Reiñ, degas (ar) yec'hed da un den.
   • Netra nemet ar gweled anezhi a oa a-walc'h evit laouenaat kalonoù ar re a oa trist, ha reiñ ar yec'hed d'ar re a oa klañv. — (Fañch an Uhel, Kontadennoù ar Bobl/1, Al Liamm, 1984, p. 58.)
   • Ez oa ur roue en Frañs hag a oa klañv pell-bras a oa, hep ma c'halle louzoù ebet degas dezhañ ar yec'hed. — (Fañch an Uhel, Kontadennoù ar Bobl/3, Al Liamm, 1988, p. 83.)
10. Lavarout "yec'hed mat" da un den
11. Ober yec'hed da un den : lavarout "yec'hed mat" dezhañ
12. Sevel ur yec'hed, yec'hedoù, da un den : ober ur yec'hed, yec'hedoù, da un den

Deveradoù

• diyec'hed
• ti-yec'hed
• yec'hedel
• yec'hediñ
• yec'hedoni

• yec'hedour
• yec'hedourel
• yec'hedouriezh
• yec'hedus
• yec'hedusted
• yec'hedva

Lavaroù

• yec'hed mat
• yec'hed mat dit
• yec'hedoù
• yec'hed deoc'h

• Debrit gant yec'hed : bon appétit. Me a gomzo brezoneg, Jean Tricoire, Brest 1990. pajenn 115
• Yec'hed deomp holl, Hemañ zo 'vont da goll !
• Yec'hed d'hon zadoù-kozh o deus savet meur a vrozh !
• Yec’hed d’an toull pa ra e zever Kenkoulz en teñval hag en sklaer.
• Kenavo evit an dezioù, Ha yec'hed d'ho kostezioù. Rimadell pa gimiader.
• Da bep hini yec'hed
  C'hwen en e c'holc'hed
  Ha laou en e roched.

1. • Yec'hed d'an holl dud
     D'ar re vras d'ar re vunut.
   • An hik, yec'hed da vihanig, ha da gozhig marv-mik. (Krennlavar)

Troidigezhioù

• alamaneg : Gesundheit ^(de)  benel
• galleg : santé ^(fr)  benel
• kembraeg : iechyd ^(cy)
• kerneveureg : yeghes ^(kw)
• saozneg : health ^(en)