baleadenn

Brezhoneg

Etimologiezh

Savet diwar bale-, pennrann ar verb bale, hag al lostger kevrennek -adenn (diwar -ad hag -enn)

Anv-kadarn

baleadenn /baleˈɑːdɛn/ benel (liester : baleadennoù)

1. Tro vale
   • Ar valeadenn a achuas eur pennadig a-rôk koan. — (Erwan ar Moal, Pipi Gonto, Kemper, 1925, p. 17.)
   • - Setu aman eur valeadenn a c'hiz neve ; [...]. — (Erwan ar Moal, Pipi Gonto, Kemper, 1925, p. 90.)
   • Yann hag Onenn a ya d'ober ur valeadenn a-hed ar stêr Elorn. — (Brogarour, Onenn, 1936, p. 55.)
   • Kentañ baleadenn ar stumm-se a ris gant an Ernest Renan hag ar rann skouadrenn a-bezh, a gasas ac'hanomp bete Sant Sebastian e Bro-Spagn. — (Jarl Priel, Va Zammig Buhez, Al Liamm, 1954, p. 128.)
   • [...], e doare ma kenderc'hemp gant hor baleadenn, [...]. — (Jarl Priel, Va Zammig Buhez, Al Liamm, 1954, p. 163.)
   • Aet oan war ar c'hastell-adreñv da ober va baleadenn-noz. — (Roparz Hemon, Mari Vorgan, Al Liamm, eil emb. 1975, p. 24.)
   • Aet e oa an Itron d'ober ur valeadenn-noz, ha setu tapet Hermione er-maez, dirak an nor. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 163.)

Gerioù heñvelster

• pourmenadenn

Troidigezhioù

• galleg : promenade ^(fr)
• galleg : excursion ^(fr)