ar pep ...añ

Brezhoneg

Etimologiezh

Savet diwar ar ger-mell strizh ar, an anv-gwan pep ha derez-uhelañ un anv-gwan bennak.

ar pep ...añ

1. → Termenadur da glokaat (Ouzhpennañ)
   • Ar pep brasañ
   • Ar pep fallañ

   Eno e vez roët ar pep fallañ d'ar beorien. — (Jules Gros, Le trésor du breton parlé Troisième Partie, 1974, p. 121, 122.)

   • Ar pep gwashañ.
   • Ar pep gwellañ.
   • Ar pep kevrinusañ:

   Ar pep kevrinusañ eo perak n'en devoa ket klasket sachañ 'nezho en e gostezenn a-raok... — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 62.)

   • Ar pep poaniusañ:

   [...], rak dalc'hmat abaoe deiz kentañ hon eured e samme hi war he chouk ar pep poaniusañ d'ober en hon tiegezh. — (Jarl Priel, Amañ hag Ahont, Al Liamm, 1957, p. 130.)

   • Ar pep pouezusañ:

   Ar pep pouezusañ e oa kaout an dizober eus Norberzh, hag eus Malfoy. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 246.)

   • Ar pep retañ:

   « [...]. Desket out... ha dizifenn, pa n'ouzez ket ar pep retañ. » — (Youenn Drezen, Sizhun ar Breur Arturo, Al Liamm, 1971, p. 42.)

   Un tamm kozh evel-just, met aze emañ ar pep retañ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 241.)

2. Ar pep ...añ eus
   • Daou eus ar re-mañ a oa brudet dreist ar re all, Bibi ha Kac'her, a dremene ar pep brasañ eus o amzer o tisheolañ dindan ar Groaz Vras, e-keit ha ma veze an dud a-zoare o labourat. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 233.)
   • Kement-se ne vire ket ouzh ar pep brasañ anezho, kuzulierien hag all, da gas o bugale d'ar skolioù kristen. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 243.)
   • Hogen ar pezh a oa heverk en e gorfadurezh, ar pep gwelusañ ha splannañ eus e gorf, setu pezh a oa : [...]. — (Jakez Konan, Lannevern e kañv ha danevelloù all, Al Liamm, 1980, p. 16.)
   • Paotred ha merc'hed tro hanter-kant, tri-ugent vloaz, ar pep brasañ anezho, ur guchennig tud yaouank, unan bennak koshoc'hik. — (Goulc'han Kervella, Brezel ar Rigadell, Al Liamm, 1994, p. 15.)
   • Se zo kaoz e tremene Harry ar pep brasañ eus e amzer e-maez an ti, [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 37.)
   • O tisplegañ dezhañ ar pep bravañ eus an taolioù-c'hoari e oa pa voe digoret dor ar c'hombod adarre. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 115.)

Troidigezhioù

• galleg : ce qu'il y a de plus ... ^(fr)