pask

Ur pennad eus ar Wikeriadur, ar geriadur liesyezhek frank a wirioù.
Mont da : merdeiñ, klask

Brezhoneg

Open book 01.svg Anv-kadarn

diwar anv Pask gourel, a denn d'ar relijionoù juzev ha katolik.

Evit ar Juzevien, Pask a verk ar burzhud a espernas o ziegezhioù diouzh dekvet gwalenn Ejypt (Ermaeziadeg 12, 29-36). Evit ar Gristenien, da boent Gouel Fask ar Juzevien ez eo savet Jezuz-Krist a varv da vev. Gouel vrasañ ar Gristenien ez eo rak war an Dasorc'hidigezh ez eo diazezet ar relijion gristen (1 Kor 14, 15). E 1215 (Sened-meur al Laterano) e oa bet lakaet da dalvezout ur reolenn a vez dezrevellet evel-henn ar c'hatekiz : "Ur wech ar bloaz da vihanañ e kofesai hep nac'h netra" (pevare gourc'hemenn eus an Iliz), ha, dre ma vezer evel-se er "stad a C'hras" e c'heller neuze komuniañ "ha da Salver a resevi, da Bask deolañ ma c'helli" (pempet gourc'hemenn eus an Iliz).

  1. Ober e Bask a dalvez prientiñ e ene evit Gouel Fask, da lavarout eo kofesaat evit gellout komuniañ en deiz-se
  2. an deiz ma vez komuniet evit ar wech kentañ gant ur bugel en Iliz katolik
    Disul e vo pask ar vugale. TBP 2/397
  3. ober e bask kentañ
    Hemañ en deus graet e bask kentañ, TBP 2/397
  4. bezañ rasket eus e bask: mirout ouzh ur bugel d'ober e bask kentañ, peurvuiañ peogwir ne ouie ket e gatekiz
    Ifig a zo bet rasket eus e bask, TBP 2/397
    Rask, rask, hep e bask : a veze lavaret gant ar vugale d'an hini a veze rasket, d'ober goap outañ
  5. ar gomunion
    Digwener e oa kaset he fask dezhi, degaset e oa bet dezhi ar Sakramant da gomuniañ er gêr pa ne c'helle ket dont d'an iliz TBP 2/397