a-zevri
Brezhoneg
Etimologiezh
Adverb
a-zevri /aˈzevri/
- Da vat.
- Hag an arched kemeret, en dro gentañ, evit ober ur fars, a deuas, en eil gwech, da vezañ un arched a-zevri, rak, antronoz, ar republikan a voe sebeliet en arched-se. — (Lan Inizan, Emgann Kergidu 1, Brest, 1877, eil emb. Al Liamm 1977, p. 31.)
- .. en em gannañ a-zevri ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 220.)
- Pa daolas ar vatezh-mañ he soñj warnañ e kredas Jampi da gentañ e felle dezhi ober goap outañ. Nann, a-zevri e oa. Fellout a rae da Vari Vrignou kaout Jampi da bried. — (Abeozen, Pirc'hirin Kala-Goañv, Al Liamm, eil emb. 1986, p. 16.)
- Ur c'hardeur da c'houde edo krog a-zevri an archerien gant an nor. — (Goulc'han Kervella, Brezel ar Rigadell, Al Liamm, 1994, p. 197.)
- Goulennit ar beleg kentre ma viot klañv a-zevri. — (Goulven Morvan, Scol ar maro mad, 1905, p. 129.)
- En un doare sirius.
- Bec'h en doa degaset d'ar soavon, hag edo a-zevri o kribañ e vlev gleb. — (Youenn Drezen, Sizhun ar Breur Arturo, Al Liamm, 1971, p. 26.)
- Pezh a lavaran, Jozon, n'eo ket fentus. Komz a ran a-zevri. Komz a ran a-barfeted. N'eus ket peadra da c'hoarzhin. — (Roparz Hemon, Ar gweladenner eus ar stered, Ar Bed Keltiek, niv. 81, 1965, p. 255.)
- « ... Prederiet am eus a-zevri war gement tra a selle ouzh va beaj ha dimeziñ, gant se 'ta n'hoc'h eus ket ezhomm nag an eil nag egile d'ober gwad fall ». — (Jarl Priel, Va Buhez e Rusia, Al Liamm, 1955, p. 6.)
Gerioù kevrennek
Troidigezhioù
- galleg : délibérément (fr) , exprès (fr) , pour de bon (fr) , résolument (fr) , sérieusement (fr)
- saozneg : really (en) , seriously (en)