diwall da ober un dra
Brezhoneg
Etimologiezh
Troienn verb
diwall da ober un dra bennak
- Chom hep ober tra pe dra
- Dre he zinou ha dre he c'homzou e roas da intent d'an estranjour diwall da dostât d'al lec'h-ze ; ... — (Erwan ar Moal, Pipi Gonto, Kemper, 1925, p. 4.)
- En doare-gourc'hemenn : arabat ober tra pe dra
- Diwallet da venel kousket ha da leuskel takenn wad ebet da vont da goll, — (Fañch an Uhel, Kontadennoù ar Bobl/1, Al Liamm, 1984, p. 77.)
- - [...]. Neuze ec'h efet ivez er gwele hag e lazhfet ar goulou, met diwallit mat da gousket. — (Fañch an Uhel, Kontadennoù ar Bobl/1, Al Liamm, 1984, p. 179.)
- An archer. — Red eo d'in breman tec'het eur pennad gantan ha diouall da veza gwelet, rak ma ouesfed am eus graet ar pez a ran e vefen krouget n'oun ket ped gwech ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 43.)
- Diwall avat d’ober droug gant ar bizou, pe… ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 49.)
- Ha diwallit da fiñval eun netraig. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 106.)
- Diwallit da rei reunenn ebet, nag eus lost nag eus moue ho loen, ken a viot o tistrei eus ar Spagn. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 158.)
- « Serri anezi eo a felle d’in lavarout. Met diwall bremañ da lezel anezi da goueza, pe lazet e vezimp gant al laeron. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 220.)
- « Diwall d’ober evel ar wech-all pe e vezi dic’houzouget ganin ! » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 247.)
- Diwall da vanta da zorn warnon-me ! — (Jules Gros, Le trésor du breton parlé Deuxième Partie, 1970, p. 126.)
- Diwall da goueza. — (Jules Gros, Le trésor du breton parlé Deuxième Partie, 1970, p. 273.)
- « ... ; emañ bremañ holl aelez ar Baradoz o kanañ meuleudi d'ar Werc'hez, met diwall da ouelañ, Jarlig, da vamm a zo aet ganto ». — (Jarl Priel, Va Zammig Buhez, Al Liamm, 1954, p. 46.)
- Ha diwallit, tudoù, d'ober eveldon ha da lakaat en ho penn ne goust netra ar butun er gêr-se ; ... — (Jarl Priel, Va Zammig Buhez, Al Liamm, 1954, p. 96.)