barzh

Gwelet ivez : Barzh

Brezhoneg

Etimologiezh

Meneget er C'hatolikon (barz).

Da geñveriañ gant ar gerioù bardd en kembraeg, barth en kerneveureg, bard en iwerzhoneg ha bardos en galianeg.

Anavezet evel anv-tiegezh : Le Bars, le barzic.

Anv-kadarn

barzh /ˈbars/ gourel (liester : barzhed)

1. Skrivagner a sav pezhioù barzhoniezh.

   Ur barzh awenet-kaer.

2. Istor Den a oa e garg meuliñ e ri hag an taolioù-kaer graet gant brezelourien e veuriad da vare ar Gelted kozh.

   Ur barzh galian.

3. Arzour a sav hag a gan barzhonegoù diwar-benn e vro, e genvroiz.

   Barzh Glenmor.

Deveradoù

• barzhaz
• barzhek
• barzhel
• barzhelezh

• barzhoneg
• barzhoniañ
• barzhoniel
• barzhoniezh

Troidigezhioù

• galleg : poète ^(fr) , barde ^(fr)
• kembraeg : bardd ^(cy)

• kerneveureg : barth ^(kw)
• saozneg : poet ^(en) , bard ^(en)