Skoazell:Krouiñ ur gont

Krouiñ ur gont implijer

N'eo ket ret kaout ur gont implijer. Koulskoude e tegas aezamantoù a bep seurt e-giz kenskrivañ gant Wikidemidi. Ha gant nebeutoc'h a dud dizanv e vo nebeutoc'h a gemmoù dizanv da wiriañ.

Penaos krouiñ ho kont[kemmañ]

Aes-kenañ eo lakaat e anv e-giz implijer er Wikeriadur, evel e lec'hiennoù all Wikimedia. Setu amañ penaos ober :

Klikit war al liamm « Krouiñ ur gont / en em lugañ » a gaver war holl bajennoù al lec'hienn e krec'h a-zehou.
Klikit neuze war al liamm « Krouiñ ur gont ».
Skrivit ar gerioù a zo diskouezet deoc'h (evit stourm a-enep d'ar c'hontoù krouet ent emgefreek).
Ebarzhit un anv implijer a c'hell bezañ hoc'h anv gwir pe ul lesanv, deoc'h da zibab eveljust. Chomit dereat avat, anvioù kunujennus pe feukus a c'hell bezañ degemeret fall-tre ha sur a-walc'h e vo goulennet ganeoc'h dibab unan all.

Taolit evezh : ne vez ket degemeret nemet an anvioù implijer a grog gant ur bennlizherenn.
Met gallout a rit implijout tiredoù e-barzh hoc'h anv.

Aliet oc'h da gochañ ar garrezenn « Derc'hel soñj eus ma ger tremen », gant se e vezot luget ent emgefreek dindan hoc'h anv implijer bewezh ma teuot war al lec'hienn.
N'eo ket ret deoc'h reiñ ho postel ne servij nemet pa fell d'un implijer kas ur gemennadenn brevez deoc'h. Ne vez ket diskouezet ar postel d'an implijerien all morse. Met peurliesañ e tere gwelloc'h ar bajenn implijer ouzh ar pep brasañ eus ar goulennoù.
Klikit war « Krouiñ ur gont nevez ».

Setu c'hwi enrollet bremañ ! Sellit pelloc'h evit gwelet an aezamantoù nevez a zo ganeoc'h bremañ.

An aezamantoù degaset gant an enskrivadur[kemmañ]

Kerkent ha luget ho peus merzet e teu bremañ c'hwec'h liamm nevez war wel e-lec'h « Krouiñ ur gont / en em lugañ ». Setu int amañ a gleiz da zehou :

Hoc'h anv implijer	ma c'haozeadennoù	penndibaboù	ma rollad evezhiañ	ma degasadennoù	dilugañ
Ul liamm war-zu ho pajenn implijer bersonel eo. N'eus nemedoc'h a zo aotreet da gemmañ anezhi sañset. Gallout a rit aozañ anezhi evel a girit : lakaat ur ger diwar ho penn, liammoù talvoudus, patromoù personelaet, pe ... netra ebet ma fell deoc'h.	D'ho pajenn "gaozeal" e kas al liamm-se. War ar bajenn-se eo e c'hell an holl implijerienn (ha gweladennerien) all skrivañ deoc'h diwar-benn tra-pe-dra. Gallout a rit ober kement all war bajenn gaozeal an implijerien all ma fell deoc'h lavaret un dra bennak dezho.	Ar penndibaboù a ro tro deoc'h da bersonelaaat ho titouroù ha neuz ar Wikeriadur war ho skramm.	Talvoudus-kenañ eo ar roll-se ha ne zeu ket war wel nemet ma 'z oc'h enrollet : reiñ a ra tro deoc'h da evezhiañ forzh pe bajenn eus ar Wikeriadur ha da welet petra eo bet ar c'hemmoù diwezhañ, gant piv int bet graet ha pegoulz. Evit lakaat ur bajenn e-barzh ar roll-se, n'ho peus ket 'met klikañ war an ivinell ar muiañ a-zehou e krec'h pep pajenn : « evezhiañ ». N'eus nemedoc'h a c'hell mont d'ar bajenn-se.	N'eo ken ur roll gant titouroù diwar-benn an holl gemmoù degaset ganeoc'h, hag a c'hell bezañ gwelet gant an holl dre al liamm « Degasadennoù an implijer » a zo diskouezet a-gleiz d'ho pajenn implijer.	Pa gliker war al liamm-se e vezer diluget hag e teuer da vezañ dizanv en-dro. Ret e vo deoc'h leuniañ ar c'harrezennoù anv implijer ha ger tremen evit lugañ.

En tu-hont d'ar pajennoù-se e vez roet aezamantoù all deoc'h :

Dre m'ho peus un anv implijer bremañ e c'hellit sinañ ho kemennadennoù gant 3 zildenn ( Yun (kaozeal) ) evit sinañ gant hoc'h anv, pe 4 evit lakaat hoc'h anv hag an deiziad.

Ar pennadoù o-unan, ne vezont ket sinet morse. N'eus ket ezhomm : enrollet e vez pep kemm asambles gant anv ar c'henlabourer.

Evel ma 'z eus bet lavaret amañ a-us e vez staget hoc'h anv ouzh kement kemm degaset ganeoc'h abalamour d'ar wikidemidi all da c'hellout mont aesoc'h e darempred ganeoc'h e-touez traoù all.
Gallout a rit adenvel pajennoù n'eo mat o anv (gant ur fazi reizhskrivañ da skouer). Gant an ivinell « adenvel » e vez graet kement-se.

Met n'hallit ket lemel pajennoù : n'eus ket 'met ar verourien a zo aotreet d'en ober. Ar verourien a zo anezho implijerien evel ar re all a zo bet kavet dellezek gant ar gumuniezh (dre vouezhiañ) da c'hellout lemel pajennoù 'zo.

Gwelet ivez[kemmañ]