Skoazell:FAQ
Ar Wikeriadur a zo anezhañ ur danvez geriadur hollvedel mod wiki, digor, frank ha digoust. Sellit ouzh ar bajenn A-zivout evit gouzout hiroc'h a-zivout palioù ar Wikeriadur.
Emañ danvez ar Wikeriadur dindand GNU Free Documentation License.
Pegoulz e oa bet kroget gant ar Wikeriadur ?
[kemmañ]E miz Meurzh 2005 e oa bet roet lañs d'ar raktres brezhonek, e miz Kerzu 2005 e oa bet krouet ar pennad kentañ. Goustadik eo bet kresk ar Wikeriadur e penn kentañ eta.
Wiktionary pe Wikeriadur ?
[kemmañ]Daou dra zisheñvel int (ha tri zoken) evidomp-ni :
- Ar Wiktionary eo anv raktres geriadur ar Wikifoundation.
- Ur wikeriadur zo unan eus ar raktresoù en ur yezh bennak.
- Ar Wikeriadur eo anv ar raktres brezhonek. Setu e c'heller lavaret ez eo ar Wikeriadur ur wikeriadur brezhonek.
Penaos ez a ar Wikeriadur en-dro ?
[kemmañ]Gwelet ivez : Penaos kemmañ ur bajenn.
War bennaenn ar wiki gant ur meziant a ratozh evit se (MediaWiki).
Pep hini a c'hell krouiñ pe gemmañ pennadoù. Gallout a ra ar genlabourerien krouiñ ur gont gant un anv hag ur ger tremen, met n'eo ket un dra ret. Ur bajenn bersonel ha aezamantoù all a zo pourvezet d'ar genlabourerien enrollet, en o zouez e vez dalc'het istor o degasadennoù.