priñs

Brezhoneg

Etimologiezh

Diwar ar ger gallek prince.

Anv-kadarn

	Unander	Liester
Gourel	priñs /ˈprĩsː/	priñsed /ˈprĩsː.et/
Benel	priñsez /ˈprĩsː.es/	priñsezed /prĩˈseː.zet/

priñs /ˈprĩsː/

1. Rieg, den a ren ur briñselezh.
   • Priñs Monako. Priñs Liechtenstein. Kenbriñsed Andorra.
2. Mab ur roue peurvuiañ, pe den zo ezel eus un tiegezh zo o ren.
   • Priñs Asturiez: mab roue Spagn.
   • Priñs Kembre : mab rouanez Bro-Saoz.
   • Ar prins kenseurt (pe kensort): dimezet d'ar rouanez a zo o ren.
3. Lesanv noblañs uheloc'h pe uhelañ hervez ar broioù (e Bro-C'hall an hini uhelañ, e Breizh-Veur an hini zo a-is hini an dug).
4. Ar priñs koant, ur priñs yaouank koant : tudenn eus al lennegezh-pobl.
   • Neuze mab yaouankañ ar roue, ar priñs Arzhur, ac'h eas ivez d'e dro da diwall ar wezenn, mes hemañ ne gouskas ket, evel an daou all. — (Fañch an Uhel, Kontadennoù ar Bobl/1, Al Liamm, 1984, p. 26.)
5. Priñs an Ifern, Priñs an Deñvalijenn: lesanvioù roet d'an Diaoul.
6. Titl roet da dud uhel:
   • Priñsed an Iliz.

Deveradoù

• kenbriñs
• priñsel
• priñselezh
• priñsez
• priñsig

Gerioù kevrennek

• priñs-hêr

Troidigezhioù

• alamaneg : Prinz ^(de) , Fürst ^(de)
• esperanteg : princo ^(eo)
• galleg : prince ^(fr)  gourel
• italianeg : principe ^(it)  gourel
• saozneg : prince ^(en)
• turkeg : prens ^(tr)