pikol

Brezhoneg

Anv-kadarn

pikol, gourel, liester : pikoloù, pikoled

1. mell, pezh, dirak un anv-kadarn unan:

   • Ur pikol evn bras ... — (Fañch an Uhel, Kontadennoù ar Bobl/1, Al Liamm, 1984, p. 16.)
   • Ur pikol sarpant rodellet warnañ e-unan ... — (Fañch an Uhel, Kontadennoù ar Bobl/1, Al Liamm, 1984, p. 97.)
   • Ho preur eo, a deu da welet ac'hanoc'h, a lavar gant ur pikol mouezh... — (Fañch an Uhel, Kontadennoù ar Bobl/1, Al Liamm, 1984, p. 291.)
   • Tri den gant sparloù o ruilhañ ur pikol û, hag i en korf o roched, ha poan dezhe, ken e oant c’hwezh-holl, — (Fañch an Uhel, Kontadennoù ar Bobl/3, Al Liamm, 1988, p. 177.)
   • War viz-kreiz e zorn kleiz en devoa ur pikol gwalenn aour merket warni lizherennoù ha n'anaveze den. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 22.)
   • Bodet en-dro d'an oaled, ur pikol keuneudenn o teviñ er siminal, holl e selaouont rimadelloù, sorbiennoù, istorioù Yann-gozh. — (Brogarour, Onenn, 1936, p. 59.)
   • Prenañ a ris 'ta e Toulon ur pikol korn-butun eus ar c'haerañ gant ur c'harenn wer ma veze diskennet enni dour c'hwezh vat, e gwirionez ur « narghileh » e giz an Durked. — (Jarl Priel, Va Zammig Buhez, Al Liamm, 1954, p. 88.)
   • [...] ha hi da vlejal o welout peseurt evnig a oa va hini : ur pikol touseg o chom en un toull er voger ha deut da vezañ doñv, [...]. — (Jarl Priel, Va Zammig Buhez, Al Liamm, 1954, p. 14.)
   • ur pikol maen-hir, Job Jaffre, Etrezomp e brezhoneg, 1974-1975, pajenn 28
   • ..., ha war he fenn, ur pikol evn gwenn, ar « jubile » hervez ma lavarer dre amañ. — (Jarl Priel, Va Zammig Buhez, Al Liamm, 1954, p. 15.)
   • Ur pikol den bras eo an Ankoù, eskern hepken anezhañ, gwisket gant ul liñser wenn, ur pezh falc'h gantañ en e zorn. — (Tad Medar, An Tri Aotrou, 1981, p. 89.)

2. pezh pikol
3. dirak un anv lies: pikoloù