pell-pell

Brezhoneg

Etimologiezh

Ger kevrennek savet diwar an adverb pell.

Adverb

pell-pell /pɛlˈpɛlː/

1. Pell-kenañ (lec'hiañ hag amzeriañ).
   • -Lec'hiañ:

   • Aet eo da balez he zad, pell-pell ac'hann ... . — (Fañch an Uhel, Kontadennoù ar Bobl/1, Al Liamm, 1984, p. 158.)
   • — Ec'h an bremañ da ober un dro pell-pell, ha ne zistroin ket d'ar gêr a-raok c'hwec'h miz. [...]. — (Fañch an Uhel, Kontadennoù ar Bobl/2, Al Liamm, 1985, p. 231.)
   • [...], bevet en devoa e-pad pemp bloaz warn-ugent pell-pell eus e vro. — (Jarl Priel, Va Zammig Buhez, Al Liamm, 1954, p. 9.)
   • Pell-pell eus an douar e oamp 'ta, en derc'hent deiz kentañ bloaz, [...]. — (Jarl Priel, Va Zammig Buhez, Al Liamm, 1954, p. 109.)

   • -Amzeriañ:

   • Dre amañ e oa asur ne chomfe ket pell-pell, nemet mont a rafe da sellout ouzh beg an tour en ur vered bennak. — (Abeozen, Pirc'hirin Kala-Goañv, Al Liamm, eil emb. 1986, p. 138.)
   • Pell-pell 'zo e viren em zi ar skridoù-mañ degouezhet dre laer, koulz eo lavarout, etre va daouarn. — (Jarl Priel, An Teirgwern Pembroke, Al Liamm, 1959, p. 9.)
   • Se a zo pell-pell ac'hann. — (TBP, p. 42.)
   • Pell-pell e chom da hunvreal. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 48.)

Gerioù heñvelster

• gwall bell
• pell-bras
• pell-meurbet

Deveradoù

• abaoe pell-pell

Troidigezhioù

• galleg : très loin ^(fr)
• galleg : très longtemps ^(fr)