ober an dro
Brezhoneg
Gerdarzh
- Diwar ar verb ober, ar ger-mell strizh an hag an anv-kadarn tro.
Troienn verb
ober an dro /Distagadur ?/
- Ober an dro da un dra bennak:
- Ar menez a oa bras hag uhel; teir lev a oa da ober an dro dezhañ. — (Fañch an Uhel, Kontadennoù ar Bobl/1, Al Liamm, 1984, p. 75.)
- Ar re-man a oa souezet o welet o doa great an dro d'al liorz hep beza gallet paka ar paotr yaouank. — (G. MILIN, Gwechall-goz e oa..., Kemper, 1924, p. 49.)
- Job ha Lom o doa echuet ober an dro d'an ti, e Karreg-al-Louarn, gant ur c'houlaouenn war enaou. — (Jakez Riou, An Ti Satanazet, Skridoù Breizh, 1944, p. 119.)
- War digarez ur gouel bennak, ur c'hañv, e vije kaset ur c'hannad d'ober an dro d'ar c'hanton ha d'ar c'hantonioù all war-dro, evit kelenn ar gerent betek an dekvet pazenn. — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 77.)
- Pa vezimp e-tal ar c'hael orjal melen a ra an dro d'ar maner, diskenn diwarnon, sell el liorzh, hag e weli merc'h perc'henn ar c'hastell o pourmen. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 179.)
- Ober an dro da unan bennak
- [...], rak neuze e viche eaz d'ezhan ober an dro d'eomp, kelc'ha ac'hanomp, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 1.)
- Map roue an Hiberni a lavaras da lod eus e dud ober an dro d'ar brezeller yaouank ha derc'hel anezan er penn kenta, evit ma c'hellje dont da anaout piou e oa. — (G. MILIN, Gwechall-goz e oa..., Kemper, 1924, p. 31.)
- Kristof a rea ann dro d’ar wezenn, a zelle out-hi, souezet o welet peger braz oa. — (Troude ha Milin, Ar marvailler brezounek, Lefournier, Brest, 1870, p. 308)
Gerioù heñvelster
Troidigezhioù
- galleg : faire le tour (fr) (de)