kaout skiant

Brezhoneg

Etimologiezh

Diwar ar verb kaout hag an anv-kadarn skiant.

Troienn verb

kaout skiant /Distagadur ?/

kaout skiant : kaout spered, bezañ fur.
- N'en deus ket kalz a skiant. - Na bet biskoazh. — (Jules Gros, Le trésor du breton parlé Première Partie, 1966, p. 47.)
- Ar re o deus un tamm skiant a chomo er gêr. — (Jules Gros, Le trésor du breton parlé Troisième Partie, 1974, p. 134.)
- C’houi, paotred iaouank an amzer zo breman, hoc’h euz kement a skiant var [h]o meno ..., — (Lan Inizan, Emgann Kergidu 1, Brest, 1877, eil emb. Al Liamm 1977, p. 71.)
kaout skiant d'ober un dra bennak : soñjal ober udb
- N'em boa ket skiant da sarriñ an duellenn ha, spontet-holl, e skrijen a-bouez-penn : « Trawalc'h ! trawalc'h ! » — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 68.)
- N'em boa ket skiant da vezañ nec'het gant kuzulioù ar medisin hag, hep aon e washaje d'am gar, e kerzhen dre ar gambr, war lost ma roched, da zigoriñ an tiretennoù ha da furchal enno. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 109.)
- Evuruzamant am boa bet skiant da sevel e dreid dezhañ. — (Jules Gros, Le trésor du breton parlé Deuxième Partie, 1970, p. 472.)
(dre fazi?) kaout ar skiant d'ober un dra bennak
- Hag, allas ! pa groge al lonkerien d'ober pant, n'o deveze ket ar skiant da ehanañ nemet pa veze drastet o zammig arc'hant ganto. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 81.)
- Tap kafe da-unan peogwir n'am eus ket ar skiant da reiñ dit. — (Jules Gros, Le trésor du breton parlé Deuxième Partie, 1970, p. 472.)
- Goude an deiz-se hor beze ar skiant da sellet en-dro deomp hag-eñ ne veze den o selaou ac'hanomp. — (Jules Gros, Le trésor du breton parlé Deuxième Partie, 1970, p. 472.)
- Ar vugale n'o devez ket ar skiant da gaout aon. — (Jules Gros, Le trésor du breton parlé Deuxième Partie, 1970, p. 472.)

Troidigezhioù

galleg : 1. avoir du bon sens ^(fr) , de la jugeotte; 2. avoir le bon sens de faire quelque chose ^(fr) ; 3. avoir l'intelligence de faire quelque chose ^(fr)
saozneg :