dont a-benn eus un dra

Brezhoneg

Etimologiezh

Diwar dont a-benn, hag eus .

Troienn verb

dont a-benn eus un dra /Distagadur ?/

1. Tizhout ober un dra bennak
   • Dalc'hmat e vane sujet d' ar ploñjadennoù-se dic'hortoz en ur bed e-kichen ha na goap e gamaraded na gourdrouzoù ar mestr ne zeuent a-benn eus ar pezh a anvent e ziankadennoù. — (Abeozen, Pirc'hirin Kala-Goañv, Al Liamm, eil emb. 1986, p. 13.)
   • Evit dont a-benn eus' ar veleien, evel m'oant deuet a-benn eus madoù an lliz, ec'h en em lakejont e doare da lamet digant ar pab hag an eskibien, o galloud warnezho. — (Lan Inizan, Emgann Kergidu 1, Brest, 1877, eil emb. Al Liamm 1977, p. 13.)
   • Kaer o devoe klask dont a-benn a gement-se, tec'het a eure hema eus o daouarn ha mont kuit hep na ouient e pe lec'h. — (G. MILIN, Gwechall-goz e oa..., Kemper, 1924, p. 32.)
   • ... ; dont a ris 'ta a-benn eus tri pe bevar fennad tennoc'h-tenn, ha setu laouen an Aotrou Farigoul, ha me 'ta ! ne oa ket neuze an holl lorc'h e Paris ! — (Jarl Priel, Va Zammig Buhez, Al Liamm, 1954, p. 81.)
2. Dont a-benn eus e daol : tizhout seveniñ e gefridi:
   • Daoust ha deut e vefe arre a-benn eus e daol ?— (Fañch an Uhel, Kontadennoù ar Bobl/1, Al Liamm, 1984, p. 79.)
   • Atav e kavent, evit dont a-benn eus o zaol, un abeg bennak ; rak an neb en deus c'hoant da lazhañ e gi a gav atav ur c'hleñved bennak dezhañ : ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 12.)
   • Anat dezho e oa bet unan bennak o klask dibennañ anezhañ met ne oa ket deuet a-benn eus e daol. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 129.)
   • Pa voe anat d'an dudjentil a oa eno ne c'hellfe hini anezho dont a-benn eus an taol, e voe lezet gwazed ag ar werin, bourc'hizion vunut ha kouerion d'ober an amprouenn. — (Langleiz, Romant ar Roue Arzhur/levrenn I : Marzhin, Al Liamm, 1975, p. 49.)
   • Lak anezan warc'hoaz war da gein, evel am eus-me great hirio, ha ma na deu ket a-benn eus e daol warc'hoaz kennebeut, kas anezan da gaout unan eus hon daou vreur all. — (G. MILIN, Gwechall-goz e oa..., Kemper, 1924, p. 73.)#*Nann, ne deuimp ket a-benn eus hon taol, rak n’eus alc’houez ebet war an armel, ha droug a oa aet ennon. — (Jakez Riou, An Ti Satanazet, Skridoù Breizh, 1944, p. 33.)
3. Dont a-benn eus un dra bennak :
   • Ne dalv ket ar boan d'eoc'h en em skuiza ken rak ne deuoc'h ket a-benn eus a netra gant ho ravoderez. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 34.)

Gerioù heñvelster

• dont a-benn eus e grog
• dont a-benn eus unan bennak (tud, loened)
• kas da benn

====Krennlavaroù====

• Gant hir amzer
  A-benn eus pep tra e teuer

Troidigezhioù

1. galleg : ^(fr) ; réussir son coup ^(fr)