diankañ

Brezhoneg

Etimologiezh

Savet diwar an anv-gwan diank hag al lostger -añ.

Verb

diankañ /diˈãŋkã/ verb gwan, verb kreñv dieeun ha verb kreñv eeun (anv-gwan-verb : dianket) (displegadur)
I. verb gwan (diwar-benn an dud) :

1. Mont kuit evit ur pennadig.
   • Pa zïanke Mari e veze an dañvad o harmad. — (Jules Gros, Le trésor du breton parlé Deuxième Partie, 1970, p. 100.)
2. Mont kuit digant unan bennak.
3. Ober diouer (un dra bennak) da unan bennak.
   • N'eus dïanket sort ebed deoh ? — (Jules Gros, Le trésor du breton parlé Deuxième Partie, 1970, p. 100.)

II. verb kreñv dieeun

1. Diankañ diwar e labour : na vezañ o labourat ingal.

III. verb kreñv eeun

1. Koll (un dra bennak) e-pad ur pennad, e lakaat en ul lec'h a zisoñjer da c'houde.
   • Amañ ne vez kollet mann ebed : dïanket eo e vezont. — (Jules Gros, Le trésor du breton parlé Deuxième Partie, 1970, p. 100.)
   • N'eo ket gwall zïanket ar baliked p'emañ war an oaled. — (Jules Gros, Le trésor du breton parlé Deuxième Partie, 1970, p. 193.)

Deveradoù

• diankad, diankidi
• diankadenn

Troidigezhioù

• galleg : échapper ^(fr)
• galleg : (s')égarer ^(fr) , (se) perdre ^(fr)
• galleg : faire échapper ^(fr)