Wikeriadur:Pennaennoù diazezañ

Ur pennad eus ar Wikeriadur, ar geriadur liesyezhek frank a wirioù.
Aller à la navigation Aller à la recherche

Setu amañ pennaennoù diazezañ ar Wikeriadur :

  • Ur geriadur hollvedel brezhonek eo ar Wikeriadur.
  • Graet eo evit termenañ gerioù ha troiennoù brezhonek, en ur reiñ skouerioù eus o implij, ha troidigezhioù er yezhoù all.
  • Reiñ a ra sterioù ha termenadurioù ar gerioù er yezhoù all, hag ivez skouerioù eus o implij.
  • Evit an holl c'herioù-se e ro ouzhpenn an distagadur(ioù), an etimologiezh (ar gerdarzh), hag all (sellet ouzh ar bajenn A-zivout evit gouzout hiroc'h).
  • Digor eo d'an holl : pep hini a c'hell kemer perzh evit gwellaat an danvez. N'eus ket 'met klikañ div wezh gant ar logodenn : ur wezh war kemmañ hag an eil gwezh war Enrollañ goude bezañ bizskrivet an destenn. Evit gwelet ha pleustriñ e c'heller mont er poull traezh a zo al lec'h mat evit an taolioù-esae. Gallout a rit skrivañ pennadoù diwar-benn kement ger a fell deoc'h, ne vern pehini : anvioù divoutin, gerioù estren, gerioù aet er-maez a implij hiziv an deiz zoken, hag all.
  • Aes eo kenlabourat peogwir e vez aesaet ar c'hrouiñ hag ar c'hemmañ pennadoù gant ar bennaenn Wiki implijet war al lec'hienn-mañ. Aes-kenañ eo deskiñ diazezoù ar yezh-se. Da skouer, n'eus ket 'met sterniañ ur ger etre krochedoù sonn doubl [[...]] evit krouiñ ul liamm, hag etre daouaskoù ''...'' evit e lakaat en italik.


A-hend-all n'eo ket ar Wikeriadur :

  • un holloueziadur : Wikipedia avat a zo unan ;
  • ur forom e-lec'h ma c'heller embann e gredennoù, e veno, hag all, diwar-benn pep tra.


Ur raktres diazezet war ar c'henlabour eo ar Wikeriadur hag en deus ezhomm eus reolennoù. Teir reolenn diazez a zo bet lakaet :

  • Neptuegezh ar savboent. Arabat skrivañ netra dangorel (subjektivel) pe liammet ouzh kredennoù personel, na gevier eveljust.
  • Doujañ d'ar gwirioù aozer. Rekis eo diwall da enlakaat testennoù pe skeudennoù gwarezet gant gwirioù aozer.
  • Doujañ ouzh ar re all hag o labour.