bezer

Ur pennad eus ar Wikeriadur, ar geriadur liesyezhek frank a wirioù.

Brezhoneg

Etimologiezh

Savet diwar bez-, pennrann ar verb bezañ, hag an dibenn-ger -er.

Furm verb

bezer /ˈbeːzɛr/

  1. Furm dic'hour ar verb bezañ en amzer-vremañ boaz an doare-disklêriañ.
— Ne vezer ket pell o teskiñ un dra bennak ken berr. — Bezer 'vat, pa vezer berroc'h a spered. — (?, p. ?.)
An doazenn a vezer pell o vasa anezi. — (Jules Gros, Le trésor du breton parlé Première Partie, 1966, p. 208.)
Ne vezer ket labezet nemet gant ar fall. — (Jules Gros, Le trésor du breton parlé Deuxième Partie, 1970, p. 157.)
Pa ne vezer ket lakaet da vervel ne varver ket. — (Jules Gros, Le trésor du breton parlé Deuxième Partie, 1970, p. 302.)
Petra eo ur bilhed a vil lur ? Ar sort-se ne vezer ket pell oc'h ober skilhoù deuzouto.' — (Jules Gros, Le trésor du breton parlé Deuxième Partie, 1970, p. 473.)
Dre hent Plouilio aze ne vezer ket pell o tapout Tredraezh. — (Jules Gros, Le trésor du breton parlé Deuxième Partie, 1970, p. 510.)
E-pad an deiz e vezer oc'h ober diouzh al loened. — (TBP?, p. ?.)
Bremañ e vezer bevet mad ; gwechall e vezed bevet fall. — (Jules Gros, Le trésor du breton parlé Première Partie, 1966, p. 14.)
Bremañ e vezer bevet kalz gwelloc‘h evit gwechall, — (Jules Gros, Le trésor du breton parlé Deuxième Partie, 1970, p. 203.)
Me a oar pegoulz e vezer o farsal ganin diouz na vezer ket. — (Jules Gros, Le trésor du breton parlé Première Partie, 1966, p. 135.)
Peogwir e vezer da vont. — (Jules Gros, Le trésor du breton parlé Deuxième Partie, 1970, p. 359.)
Me a zo kreñvoc'h war an debriñ evit war an evañ, sershoc'h e vezer. — (Jules Gros, Le trésor du breton parlé Deuxième Partie, 1970, p. 462.)
Pa vezer o c'hoari ar c'hartoù e vez plijadur. — (Jules Gros, Le trésor du breton parlé Troisième Partie, 1974, p. 177.)
Bremañ e vezer bevet mat. — (Jules Gros, Le trésor du breton parlé Troisième Partie, 1974, p. 177.)
Al loened-se ne vezer ket truezus outo. — (Jules Gros, Le trésor du breton parlé Troisième Partie, 1974, p. 177.)

Krennlavaroù


Troidigezhioù