Kaozeadenn Implijer:Fulup

Salud dit Fulup, ha bloavezh mat. Loc'het em eus an traoù da vat peogwir e soñj din emañ amañ plas an notennoù yezh a gaver er Wikipedia brezhonek. Pa oan en em gavet amañ em boa gwelet e veze graet Gwikeriadur eus ar wiktionary brezhonek, met Wikeriadur a gaver ivez. Soñjal a ra din e vefe gwelloc'h kaout ar memes doare gant ar Wikipedia hag ar Wikeriadur. Petra soñj dit ? --Yun (kaozeal) 3 Gen 2007 da 09:56 (UTC)

Gwikeriadur/Wikeriadur

A-du emaon ganit. Gwelloc'h eo ober gant Wikeriadur. Kroget em eus da cheñch traoù zo, evel ar patrom {{danvez-etim}} a renke ar pennad er rummad Gwikeriadur:Etimologiezhioù a vank en <yezh>. --Yun (kaozeal) 5 Gen 2007 da 02:36 (UTC)

Genver en arabeg

N'anavezan ket an arabeg. Kavet em boa an troidigezhioù-se war Wikeriadurioù all hag un digarez e oa din da grouiñ ar rummadoù arabek. Laka ar pezh a vank eveljust, n'eo ket me a yelo da dabutal.--Yun (kaozeal) 5 Gen 2007 da 02:41 (UTC)

• Kavet em boa an daou c'her arabek war ar Wikeriadur alamanek. Pa vez kemmet ar bajenn (Seite bearbeiten)e teu ur prenestr war wel en traoñ e-lec'h ma c'hellez dibab lizherennegoù estren. Ma tibabez "Arabisch" e c'helli skrivañ en ur glikañ war al lizherennoù unan-hag-unan. Aze emañ : de:Januar. Ret e vo staliañ al lizherennoù-se war hor Wikeriadur ivez.--Yun (kaozeal) 5 Gen 2007 da 18:48 (UTC)

Danav

Plijus ha frealzus eo kaout ur c'heneil a sav pennadoù er Wikeriadur. Er mod-se e c'heller eskemm a-raok ober dibaboù.

• Ouzhpennet em eus ar patrom {{tro}}, sevel a ra daou liamm : unan war-zu ar pennad er Wikeriadur brezhonek betek ar ger er yezh meneget, hag an eil war-zu ar pennad kevatal er yezh meneget. Da c'hortoz e vefe savet ar pennad Danau da skouer e c'hellomp mont da welet an distagadur, an troiadoù,... er Wikeriadur alamaneg. Implijet e vez ar memes patrom er wikeriadurioù alamanek, gallek ha spagnolek. Da'm meno n'eo ket ar Wikeriadur saoznek an hini gwellañ.
• Dilamet em eus al liammoù etrewiki. Er wikeriadurioù e vez savet liammoù etre pennadoù dezho ar memes titl, lakaet e vet kemm etre al pennlizherennoù bras ha bihan zoken. Savet e vo liammoù etrewiki gant ur robot pa gavo ur pennad Danav er wikeriadurioù all. Sell ouzh al liammoù etrewiki er pennad brezhoneg da skouer.
• Diwar-benn liv an taolennoù e rankan lavaret ne welan ket an arlivioù war ma skramm setu n'em bao ket merzet an diforc'h etre ar pennad Danav hag hini Genver. Pa lakaer al liv a-gostez e seblant kevatal ar patromoù {{laez}}, {{kreiz}} ha {{traoñ}} gant ar patromoù {{(}}, {{-}} ha {{)}}. Setu e vo trawalc'h cheñch al liv a-barzh ar patromoù evit ma vo unvan ar pennadoù. Din-me eo ingal al liv betek ma'm bo ur skramm all :-)
• Ouzhpennet em eus ar patrom {{-gwelet-}}, gantañ omp sur da gaout un istitl el live mat. Re uhel e oa a-raok (a-live gant "Brezhoneg").
• Betek-hen em boa renket an anvioù-kadarn divoutin a-gevret gant an anvioù-kadarn (evel Genver). N'ouzon ket hag-eñ e rankimp sevel ur rummad a-ratozh. Ma ve savet unan e soñj din e ranko bezañ ur rummad "Anvioù-kadarn divoutin brezhonek" isrummad eus "Anvioù-kadarn brezhonek" hep dispartiañ ar re c'hourel diouzh ar re venel. Ha sellet 'peus ouzh ar brastres war ma fajenn implijer ? Memes tra gant ar rummad "stêrioù" : ret e vo sevel un isrummad "stêrioù en brezhoneg" ha cheñch ar patrom "stêtrioù" evit se.
• Mat eo lakaat an distagadur ivez. Ne'm eus ket klevet ar ger-mañ biskoaz met bez e c'hellfemp lavaret /ˈdãː.nɔw/. Penaos e lavarfes-te ?
• Hag anavezout a rez tud a c'hellfe klask ur skouer eus implij a ger Danav e brezhoneg ? Lod o deus korpusoù elektronek bras a c'hell klas an dra-se buan. N'eus skouer ebet war {{D:GIAB}}, met sell ! lavarout a ra ez eo benel ar ger.
• Troidigezhioù all a zo er er pennad gallek fr:Danube a c'hellfemp ouzhpennañ. Evit ar c'ehmbraeg e lakont "Donaw" e-lec'h "Afon Donwy" setu e vo ret gwiriañ an troidigezhioù. a-galon --Yun (kaozeal) 5 Gen 2007 da 03:37 (UTC)

Deveradoù

Ya, merzet em boa ar fazi-se hag e soñj e oan reizhañ ar patrom. Graet eo bremañ.--Yun (kaozeal) 5 Gen 2007 da 16:11 (UTC)

Taolennoù yezhadur

• Eus ar patrom br-taol-GhaB e oas o komz ? Eveljust n'eo ket trawalc'h, hennezh a zo evit displegañ ar stummoù gourel ha benel (alese an anv GhaB). Ret e vo sevel re all evit an degouezhioù meneget ganit, ha re all evit ar stummoù kemmet. Unan bennak en doa savet seurt patromoù er Wikeriadur gallek met ur spont e oa an disoc'h. Ranket em eus kempenn an dra-se. Da heul em boa savet patromoù all evit displegañ an araogennoù. Ret e vo din enporzhiañ anezho amañ.--Yun (kaozeal) 5 Gen 2007 da 16:32 (UTC)

Merour hag etrefas

• Ya, ezhomm zo da gaout ur merour amañ. Mouezhiañ a ran evidout ha dre ma n'eus implijet oberiant all ebet ez out dilennet :-).
• Gallout a ri teuler ur sell war an droidigezh am boa boulc'het aze : Kaozeadenn_MediaWiki:Monobook.js ha lavaret da soñj ?
• graet hag ouzhpennet.
• Evit a sell ouzh al logo n'ouzon ket pelec'h emañ ar skeudenn. Mat eo din klask treiñ anezho pa vo bet kavet--Yun (kaozeal) 5 Gen 2007 da 16:32 (UTC)
• 
  • Arabat pennfolliñ evit ar monobook : ar memes tra a oa c'hoarvezet ganin war ar Wikeriadur gallek pa'm cheñchet ma monobook. Ret e oa bet din gortoz un toullad munutennoù a-raok gwelet an disoc'h. Sellet em eus ouzh an tarzh ha ne'm eus gwelet netra a-dreuz. Gortoz pell, gortoz gwel.--Yun (kaozeal) 5 Gen 2007 da 21:06 (UTC)

    Gortozet hon eus trawalc'h bremañ, ne welan nag an tooltips na perak ne zeuont ket war wel. Poent eo goulenn ali unan eus pennoù bras ar Wiki. War un dro e c'hellfemp goulenn ar memes tra evit ar Wikipedia brezhonek.--Yun (kaozeal) 6 Gen 2007 da 10:46 (UTC)

    E penn kentañ erlec'h "var ta = new Object();" ouzh "ta = new Object();". Marteze e teu ar gudenn alese.--Yun (kaozeal) 6 Gen 2007 da 17:42 (UTC)

Logo

• Ne'm eus ket soñj penaos em boa graet evit logo Wikipedia : ret eo d'an drekleur chom treuzwelus. Kenderc'hel a ran da glask.--Yun (kaozeal) 6 Gen 2007 da 00:11 (UTC)
  • Savet eo al logo ganin. Pelec'h e vo eilet ?--Yun (kaozeal) 6 Gen 2007 da 10:46 (UTC)
    • A-raok ma vo eilet al logo war ar meta taol ur sell outañ : . Gouzout a ran bremañ penaos kaout un drekleur treuzwelus, ne vo ket diaes din degas kemm-pe-gemm dezhañ.--Yun (kaozeal) 6 Gen 2007 da 18:21 (UTC)
      • Diouzh a lennan war ar Meta e ranker adenvel ar skeudenn : Wiki.png. Daoust hag aotre 'peus d'ober an dra-se ? A-hend-all ec'h eilin ar skeudenn didan an anv mat--Yun (kaozeal) 6 Gen 2007 da 18:46 (UTC)
        • Setu : eilet eo bet dindan an anv mat : Skeudenn:Wiki.png. Gallout a ri skarzhañ ar skeudenn all.--Yun (kaozeal) 6 Gen 2007 da 19:00 (UTC)
          • Graet em eus ar goulenn war ar Meta.--Yun (kaozeal) 6 Gen 2007 da 19:55 (UTC)

Pajennoù skoazell

• Ezhomm a zo da sevel pajennoù skoazell pe n'ao ket anat mont en-dro ha stumm ar Wikeriadur. Ma fell deomp gwelet tud all o tont e vo ret aesaat an deskiñ.
• Daou dra
  1. Evit ar c'hevrennoù -HS-, -tro-,... e c'heller reiñ un diverradur eus an termenadur evit lavaret eus pe ster ez eus kaoz. Sell ouzh ar pennad -eg.
  2. Pa vez meneget br er patrom -adv-|br e vez renket ar pennad er rummad "adverboù brezhonek".

     Ouzhpennet em eus "brezhonek er rummad "adverboù amzer" evit gellet renkañ ar rummad-se er rummad adverboù brezhonek.--Yun (kaozeal) 6 Gen 2007 da 00:11 (UTC)

Devanagari

• Salud dit, Fulup. Er pennad Sul ez peus skrivet an droidigezh hindek evel henn : रविवार (ravivaar diwar Ravi = Heol). Setu amañ ur boaz nevez emaon o paouez dizoleiñ war ar genrouedad. E-pad kantvedoù ha kantvedoù eo bet skrivet ar silbennoù (akshara), dezho un i berr, evel henn : िव (vi) er skritur devanagari (evel ma c'helli gwelet war ar skeudenn er pennad w:devanagari), gant ar sin (ar matra) ि (i) a-raok sin ar gensonenn (an akshara) (व amañ). Dre ma fell d'an dud e vefe renket ar gerioù diouzh an urzh alfabetek moarvat ez eus bet kroget da skrivañ ar sin ि (i) goude sin ar gensonenn war ar genrouedad  : वि , ar pezh a c'hell degas kudennoù evit kompren. Dec'h em boa resevet ur gazetenn eus India hag enni e vez graet gant ar sistem hengounel c'hoazh. Kinnig a ran e vefe dalc'het ar skritur hengounel war ar Wikipedia brezhonek. Me soñj din e vo kavet un doare da renkañ kudenn an urzh alfabetek deiz pe zeiz, ha neuze e ray an holl gant ar sistem hengounel en-dro.--Yun (kaozeal) 7 Gen 2007 da 11:00 (UTC)
  • Me ivez n'anvezan ket an hindeg, ar sañskriteg hag an devanagari ne lavaran ket. Un dibab a chom d'ober atav : pe ez aimp da heul ar boas nevez-se a gaver er Wikeriadur hindek (ha sañskritek ivez met n'eo ket loc'het da vat ar Wikeriadur-se), pe e talc'himp d'an hengoun ha d'an doare-skrivañ a zo c'hoazh en implij war baper. Komprenet 'peus ez on-me evit derc'hel d'an devanagari hengounel.--Yun (kaozeal) 7 Gen 2007 da 11:46 (UTC)
    • Emaon o paouez kaout un urzhiataerez nevez, staliet Mozilla ganin (e brezhoneg eveljust) ha setu ma welan kement lizherenn 'zo e kement lizherenneg hep na 'm bije bet ezhomm da bellgargañ ur rummad arouezennoù dibar. Ha burzhud ! Gouest on da lenn an devanagari gant an i berr en e blas. Kompren a ran bremañ e oa en abeg d'ar rummad arouezennoù kozh a oa e-barzh ma urzhiaterez kozh e welen ar matra ि goude an akshara. Ret e vo din "direizhañ" ar pezh am boa "reizhet". Dispar eo an devanagari-se peogwir e ra al liammoù etre an aksharaoù.--Yun (kaozeal) 13 Gen 2007 da 23:44 (UTC)

Rannyezh Normandi

• Petra vez graet eus ar rannyezh-se ganit : normaneg pe normandeg ? Emaon o sevel ar pennad dimanche.--Yun (kaozeal) 7 Gen 2007 da 11:46 (UTC)
  • Tuet e vefen d'ober gant Normandeg ha da zerc'hel Normaneg evit yezh ar bobl kozh (Vikinged) diazezet eno gwechall. Fulup 7 Gen 2007 da 11:50 (UTC)
    • Trugarez dit. Kavout a reer w:norseg war Wikipedia (kod ISO non) (anv orin : norskr) evit an henyezh. Ober a rin gant normandeg evit ar rannyezh met hep ober gant ar c'hod nrm pa n'ouzon ket hag ofisiel eo pe n'eo ket.--Yun (kaozeal) 7 Gen 2007 da 12:36 (UTC)

Arouezennoù dibar

• Mont a ran da gerc'hat anezho er Wikeriadurioù all.--Yun (kaozeal) 7 Gen 2007 da 12:36 (UTC)

Pennad skouer evit an anvioù-kadarn brezhonek

• Ur mennozh mat eo. Betek henn e kollomp kalz a amzer o sevel patromoù hag o soñjal e frammadur ar Wikeriadur. Traoù am bo da ginnig diwezatoc'h. Arabat gwareziñ ar bajenn diouzhtu.--Yun (kaozeal) 7 Gen 2007 da 12:58 (UTC)

Traouigoù yezh

Trugarezh di da vezañ reizhet reizh ar ger reizh (a-drugarez dit ez an da varzh :-) er pennad Patrom:fr-taol/Skoazell. N'eo ket ar wezh kentañ din da faziañ. Un dra all ez peus chañchet ivet : erlec'hiet 'peus Emañ da vezañ lakaet ouzh Emañ da lakaat. Warlene em boa heuliet ur meni stummadur war ar brezhoneg hag unan en doa asuret n'eo ket brezhoneg lavaret an dra-se zo da vezañ graet, hervezañ e vefe ret lavaret an dra-se zo d'ober. Gallout a ri gwiriañ an dra-se en-dro dit : gwir pe gaou ? Ha neuze emañ da vezañ lakaet pe emañ da lakaat ? War un toullad pajennoù skoazell eo bet skrivet an dra-se ganin.--Yun (kaozeal) 8 Gen 2007 da 22:39 (UTC)

Ober gant ar patrom br-taol-GhaB

• Evit diskouez al liester Stadunaniz en daolenn e ranker spisaat gl=Sadunaniz er patrom. Sell ouzh ar skoazell : Patrom:br-taol-GhaB.
• Trugarez evit liester Tregromad, emaon o vont da reizhañ diouzhtu.--Yun (kaozeal) 13 Gen 2007 da 06:38 (UTC)

Gourc'hemennoù

Ya, gourc'hemennoù dit ha da Yun! Na gemerin ket kalz perzh er raktres-mañ, met kalon vat deoc'h! Benoni 14 Gen 2007 da 19:52 (UTC)

Stagell

• Salud dit Fulup. Savet ez peus ur patrom:Stagell. Unan all a zo : Patrom:-stag- a zo bet implijet er pennad hervez. Renkañ a ra ar pennad er rummad Stagelloù <yezh (anv-gwan)>. Ret e vo din kenderc'hel gant ar bajenn Wikeriadur:Roll an holl batromoù, ur benveg ret eo.
  • Setu, renket em eus al luziadell : ne vo ket 'met ur rummad ken, Rummad:Patromoù rummenn ger pa vo bet skarzhet egile.--Yun (kaozeal) 21 Gen 2007 da 11:04 (UTC)

Rakgerioù, lostgerioù

• Gwelloc'h eo ganin lezel ar varrennig evit diskouez n'heller ker implij ar rakgerioù hag losgerioù o-unan. Ar pennger peur- a c'heller lenn e geriadurioù an Here, Favereau, ha Roparz Hemon - Ronan Huon. --Yun (kaozeal) 21 Gen 2007 da 11:04 (UTC)

mat eo din; adkempenn a ran ar pennad. Fulup 21 Gen 2007 da 11:19 (UTC)

Patromoù evit ar rummadoù

• Taol ur sell war ar bajenn-mañ : Roll ar patromoù evit ar rummadoù. Kalz aesoc'h eo ober gant ar patrom {{RummadEtimologiezhioùAVank|xx}} evit krouiñ ar rummadoù. --Yun (kaozeal) 21 Gen 2007 da 15:03 (UTC)
  • N'em boa ket gwelet mat. Gallout a reer kemmañ ar patrom {{RummadEtimologiezhioùAVank|xx}} evit ouzhpennañ ur rummad, hini ar yezh.--Yun (kaozeal) 21 Gen 2007 da 15:08 (UTC)
    • Graet eo, aesoc'h e vo bremañ. --Yun (kaozeal) 21 Gen 2007 da 15:24 (UTC)
      • Opala ! Reizhet eo. --Yun (kaozeal) 21 Gen 2007 da 16:03 (UTC)

Anvioù brezhoneg ar yezhoù

nds

Penaos e vez lavaret ar yezh a zo nds he c'hod ganit? Setu amañ an anvioù er yezhoù all :

• nds : Nederdüütsch, Plattdüütsch ;
• saozneg : Low Saxon, pe Low German ;
• galleg : lakaet ez eus bet kemm etre bas-saxon ha bas-allemand met n'eo ket sklaer din.

E brezhoneg em boa lakaet alamaneg izel betek-henn met marteze e vefe gwelloc'h skrivañ izelalamaneg evit mont da heul an izelsorabeg.--Yun (kaozeal) 28 Gen 2007 da 08:12 (UTC)

Raktres Omega

Trugarez evit an ditour. Ne'm eus graet nemet teuler ur sell. Ret e vo din kemer amzer da sellet a-dost. --Yun (kaozeal) 12 Meu 2007 da 19:36 (UTC)

Pajenn Degemer

Salud dit Fulup,

Graet em eus un tamm kempenn d'ar bajenn Degemer ha daou dra am eus da c'houlenn ganit :

1. Kaset em eus ar bajenn Degemer da Wikeriadur:Degemer rak n'eo ket ar bajenn-se ur pennger eus ar Wikeriadur. Daoust hag-eñ e c'helli kemmañ ar bajenn main Page ha lakaat an adkas mat ?
2. Daoust hag-eñ e c'helli ouzhpennañ an tamm kod-mañ er bajenn MediaWiki:Monobook.css. Ezhomm a eus anezhañ evit kaout ul liamm ruz war-zu ger an deiz pa grouer ar pennad (er pajenn Degemer).

==== Liammoù ====

*/
/* hep islinennañ al liammoù */
:link { text-decoration: none; }
:visited { text-decoration: none; }
 
/* Liammoù diavaez e ruz (gant ar c'hlas liammruz hepken) */
#bodyContent .liammruz a {
        background: none !a-bouez;
        color: #ba0000;
        padding: 0;
}
/* 

Trugarez dit. --Yun (kaozeal) 1 Du 2007 da 08:05 (UTC)

Salud dit, plijet ouzh da welet en-dro. Mat eo al liv, ruz eo al liamm bremañ, met chomet ez eus un draig c'hlas warnañ a vo ret en em zizober dioutañ : sell : patrom:krouiñ. --Yun (kaozeal) 19 Du 2007 da 20:14 (UTC)

YunBot

• Krog eo YunBot (ur robot bleniet ganin) da labourat : enporzhiañ geriaouegoù ha merañ rummadoù. Hag aloubet eo bet ar pajenn Kemmoù diwezhañ gantañ. Ur vouezhiadeg a zo bet digoret evit reiñ ar statud a robot dezhañ : Wikeriadur:Bot/Statud.
• N'ouzon ket hag-eñ ez eus gwirioù war geriaouegoù Ofis ar brezhoneg. Ma n'eus ket e c'hello YunBot enporzhiañ anezho amañ. Gallout a rafemp ivez sevel stagadennoù evel honnezh. Bez' em eus binvioù evit lakaat ur bajenn diaoz er stumm wiki (ouzhpennañ liammoù da skouer).--Yun (kaozeal) 30 Du 2007 da 04:10 (UTC)
  • N'hellan ket labourat gant restroù .pdf (ar stumm a zo kinniget war lec'hienn an Ofis). Ret e vefe pourchas din restroù .txt pe .rtf pe .doc (kas ur postel din). Amzer a zo rak ur mell abadenn eo enporzhiañ ar geriadur freelang. --Yun (kaozeal) 9 Kzu 2007 da 11:19 (UTC)

resisaat tachenn implij ur ger

Sell ouzh ar ar bajenn skoazell Framm ar pennadoù : degouezhioù dibar en troidigezhioù. --Yun (kaozeal) 9 Kzu 2007 da 11:34 (UTC)

Esaouenn Wikeriadur

Daoust ha gouzout a rez penaos adenvel an esaouenn Wiktionary (lakaat Wikeriadur en e lec'h) evit ma ne vo ket kontet ar pajennoù Wikeriadur:xxxxx e-giz pennadoù ? --Yun (kaozeal) 9 Kzu 2007 da 11:38 (UTC)

bloaziata

Sell ouzh ar pennad olifant. --Yun (kaozeal) 9 Kzu 2007 da 17:37 (UTC)

Nedeleg laouen

Nedeleg laouen a hetan dit. --Yun (kaozeal) 23 Kzu 2007 da 16:14 (UTC)

Wikeriadur namespace

Hi, Fulup. Nice to see you're back (also at OmegaWiki).

In order to proceed with the namespace, there should be some kind of voting in the "Porched ar gumuniezh". I tried starting that voting and Bianchi-Bihan was the only reply it got, but on the other way (saying he would prefer something else). Maybe you could discuss it and then we could post a real voting there for developers to confirm the community desire. Best, Malafaya 4 Du 2009 da 00:09 (UTC)

Hi again. I perfectly understand your position but I'm not the one to be convinced, developers are. I'm just trying to mediate the namespace change which I think would please you all.

I posted a request at Bugzilla. You can check there for progress on this. Cheers and let me know if I can help in anything else, Malafaya 5 Du 2009 da 18:13 (UTC)

OK, I understand, thanks. --Fulup 5 Du 2009 da 19:17 (UTC)

Un dra a vank evit labourat: arouez an adkasoù. Sell ouzh nevez c'hanet. Bianchi-Bihan 22 Du 2009 da 16:53 (UTC)

MediaWiki:Portal-url

Hi, Fulup.

Please, change MediaWiki:Portal-url to reflect Wikeriadur:Porched ar gumuniezh instead of the main page. Thanks, Malafaya 23 Kzu 2009 da 21:16 (UTC)

Main page should now be fixed (by Implijer:Catrope, great guy :)). Problem was Community portal and main page shared the "same" name: Wiktionary:Degemer = Wikeriadur:Degemer. Some links around may still be pointing to the wrong page. Malafaya 23 Kzu 2009 da 23:36 (UTC)

Poentadur

Salud dit. Marteze e c'helli reiñ da soñj aze : Wikeriadur:Wikiakademiezh#Poentadur. A galon --Ben Herzog (kaozeal) 13 Ebr 2013 da 09:36 (UTC)

Votre statut d'administrateur sur Breton Wiktionary

Bonjour. Une règle concernant le retrait des "droits spéciaux" (administrateur, bureaucrate, etc) a été adoptée avec le consensus de la communauté en 2013. En accord avec cette règle, les stewards vérifient l'activité de ces utilisateurs sur les wikis ne possédant pas leurs propres règles.

Vous vérifiez les critères d'inactivité (pas de modification ni d'action administrative pendant 2 ans) sur le(s) wiki(s) listé(s) ci-dessous. Puisque le wiki ne possède pas ses propres règles concernant l'activité de ses utilisateurs, la règle générale s'applique.

Si vous souhaitez conserver vos droits, vous devez informer la communauté de votre wiki et mentionner que les stewards vous ont envoyé ce message pour vous faire part de votre inactivité. Si à l'issue de la discussion, la communauté souhaite que vous conserviez vos droits, alors veuillez contacter les stewards sur leur page en mentionnant un lien vers la discussion dans laquelle la communauté exprime le souhait que vous gardiez vos droits.

Si vous souhaitez renoncer à vos droits, vous pouvez répondre ici ou demander le retrait de vos droits sur Meta.

Si vous n'adressez aucune réponse dans un délai d'environ un mois, les stewards procèderont au retrait de vos droits d'administrateur et/ou bureaucrate. Dans les cas ambigus, les stewards évalueront les réponses et soumettront leur réponse à la communauté pour discussion et débat. Si vous avez des questions, merci de contacter les stewards. Rschen7754 13 Gen 2015 da 02:42 (UTC)

Implijer:Bianchi-Bihan

Emaon o klask kompren petra eo c'hoari Bianchi-Bihan e Wikimedia dre vras.
Emañ o vont ken pell ganti amañ hag e BZHWiki, FRWiki, FRWikt > Taget un implijer. --90.32.116.13 8 Meu 2019 da 21:20 (UTC)

Ar c'hentelioù roet dit n'int ket tagadennoù :digor ur geriadur.

Un dra vat e vefe ober un enklask war da gontoù a anvioù. Bianchi-Bihan (kaozeal) 9 Meu 2019 da 08:46 (UTC)

Gwir a lavare 90.32.116.13, gwelit hiriv. Hag e Wikipedia adal #Daou c'houlenn [1]. Labour ar verourien eo ober war-dro emzalc'h an implijer-se.--90.32.242.212 27 Meu 2019 da 15:52 (UTC)

Gast! ha war-dro da hini, gant da gontoù diniver? 28 Meu 2019 da 12:00 (UTC)

Stankañ ma c'hont-implijer da viken

Demat,

Dre na gemerin ken perzh e raktres Wikipedia ebet, gallout a rafec'h stankañ ma c'hont-implijer da vat amañ, koulz hag e Wikipedia.

Kement-mañ hervez Wikipédia:Droit de disparaître hag Aide:Je veux partir de Wikipédia.

Trugarez deoc'h en a-raok. A galon.--Prieladkozh (kaozeal) 1 Gou 2019 da 09:02 (UTC)

Demat,

Evidoc'h da vezañ foulet betek re, ar pezh a gomprenan mat-tre, gallout a rafec'h ober war-dro ma goulenn evel bet graet er Wikipedia, mar plij ganeoc'h.

Trugarez vras en a-raok. A galon.--Prieladkozh (kaozeal) 8 Gou 2019 da 08:54 (UTC)