anezhi

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Brezhoneg

Furm araogenn

anezhi /ãˈneː(z)i/

1. Furm an araogenn a, eus, displeget en trede gour unan benel.

   An eil tamm anezhi zo d'ho pried ha c'hwi.^[1]

   Netra nemet ar gweled anezhi a oa a-walc’h evit laouenaat, KAB 1/58

2. Noz eo anezhi
   • Noz-du eo anezhi, — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 21.)
   • Noz du-dall a oa anezi pa savas diouz taol-ar-gwer a lugerne an hini melen er boutailhou warnezi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 19.)
   • Ha noz teñval anezi ! — (Jules Gros, Le trésor du breton parlé Première Partie, 1966, p. 99.)
   • Noz-du-dall a oa anezi. — (Jules Gros, Le trésor du breton parlé Deuxième Partie, 1970, p. 145.)
   • Noz-du-dall anezi a-benn ma oa deut d'ar gêr... — (Jules Gros, Le trésor du breton parlé Deuxième Partie, 1970, p. 379.)

   Kreisteiz eo anezhi.

   • A-benn ma vije arru eiz eur anezi. — (Jules Gros, Le trésor du breton parlé Première Partie, 1966, p. 99.)
   • Kreisteiz anezhi, TBP 4/13
3. gant un anv-gwan
   • P' en em gavchont e-kreiz an enez, n'oa ket bras anezi, [...]. — (G. MILIN, Gwechall-goz e oa..., Kemper, 1924, p. 60.)
4. Deskiñ anezhi: deskiñ ur gentel, gouzout petra zo c'hoarvezet,
   • — [...] ! Disk anezi, va faotr,... ha roust, en em denn ac'halen da glask va gwezenn. — (Ivon Krog, Eur Zac'had Marvailhou, Buhez Breiz, Kemper, 1924, p. 12.)
5. Duañ anezhi: bevañ er baourentez,
   • Ma' m-bije gouezet, e oan chomet er-mêz euz ar vro, ne oan ket deut amañ da zua anezi. — (Jules Gros, Le trésor du breton parlé Deuxième Partie, 1970, p. 145.)
6. gouzout anezhi
7. Gweañ anezhi : bevañ en dienez
8. Kas anezhi, prendre du bon temps
9. Klevout anezhi : klevout e begement
10. Ruzañ anezhi, kaout poan o skoulmañ an daou benn
11. Skoulmañ anezhi, ober marc'had; dimeziñ
12. Bezañ anezhi (gant un anv-kadarn)
    • Tanfouich ! nann, hounnez ne c'hoarze tamm, al lorgnez a oa anezi, eun dostenn zivalo stag mat he c'hroc'hen ouz he c'hein : [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 184.)
    • Homañ a zo eur plah anezi. — (Jules Gros, Le trésor du breton parlé Première Partie, 1966, p. 99.)

Troioù-lavar

• c'hoari anezhi

Daveoù

Roll an daveoù :

• ^[1] : Soubenn al laezh, Sonioù Feiz ha Breiz (w.d. 1930)