gregach

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

Savet diwar ar bennrann greg, kar d'ar ger gallek grec, hag al lostger -ach

Anv-kadarn

gregach /ˈɡrɛːɡaʃ/ hollek gourel

1. Henc'hresianeg
   • Abaoue maro an Aotrou Tanguy em eus evel heuz ouz ar galleg, al latin hag ar gregach. — (Lan Inizan, Toull al Laer, 1930, rakskrid pajenn VII.)
   • Hogen e droidigezh e brezhoneg he deus doare da vezañ bet graet kentoc'h eus al latin eget eus ar gregach. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 34.)
2. Brizhyezh, tatouilherezh, yezh digomprenus
   • <skouer.>

Notenn

• Ar ger gresianeg zo bet degaset da vare Geriadur Vallée evit envel yezh Gres a-vremañ.
• E geriadurig Roparz Hemon eo troet ar ger gregach gant "baragouin, jargon". Kement-se ne dalv ket ez eus dispriz er ger. Diskouez a ra ez eo kenster gant yezh digomprenus, evel e galleg pa lavarer "c'est de l'hébreu" (rak al latin a veze komprenet un tamm bennak gant ur bern tud gwechall, desket dre an oferenn-sul, pa ne veze ket an hebreeg).
• Kevatal eo d'an dibenn -aj e gerioù all. Gwir eo e vez disprizus an dibenn -ach (pe -aj), peurvuiañ, met ne vez ket atav: legumaj, bugaleaj, mignoniaj, koataj. Heñvel eo gant gregach pa dalvez gresianeg.
• N'eus ket da geñveriañ gant gerioù evel gallegach pe saoznaj a zo gerioù implijet evit merkañ an dispriz en un doare splann.
• Sed ur werzenn tennet eus Sainte Tryphine et le roi Arthur , Presses Universitaires de Rennes. Terre de Brume.

  ...flamantach, almantach, italian, saozneg Ha kalz a yezhoù all, latin ha spagnoleg.

• Anat eo n'eo ket faeüs an dibenn ach aze.

Deveradoù

• gregachiñ, a dalv pe komz gregach, pe komz ur yezh digomprenus

Gerioù kar dre o ster

• gresim, ger meneget e w:Geriadur Gregor Rostren (1732) hag e hini Roparz Hemon,
• ar verb gresimañ, savet diwarnañ. Lenn a raer da skouer : Ar grecim hac al latin o deus flypet un niver bras a c'heryou eveus al langaich a brezecq ar vretonned en Breiz-arvoricq hac en Breiz-veur. Pajenn 471 eus w:Geriadur Gregor Rostren.

Troidigezhioù

• kenemglevioù etrebroadel : grc
• alamaneg : Altgriechisch ^(de)
• finneg : muinaiskreikka ^(fi)
• galleg : grec ancien ^(fr)
• gresianeg : αρχαία ελληνικά ^(el) (archaía elliniká)
• japaneg : 古代ギリシャ語 ^(ja) (kodaigirishago)

• nederlandeg : Oud-Grieks ^(nl)
• roumaneg : greaca antică ^(ro)
• saozneg : Ancient Greek ^(en)
• slovakeg : starogréčtina ^(sk)
• spagnoleg : griego antiguo ^(es)
• tchekeg : starořečtina ^(cs)