kalon

Brezhoneg

Etimologiezh

Da geñveriañ gant ar c'herneveureg colon hag ar c'hembraeg calon a c'hellfe dont o-zri eus ur c'heltieg *kal-onāa zo ennañ, pe pennrann al latin cal-idu-s (flugezenn domm), pe hini al latin call-idu-s dre ma tremene alies ar galon evit organ ar skiant. (Martezeadenn V. Henry)^[1]

Anv-kadarn

Patrom ur galon

kalon /ˈkɑːlɔn/ benel (furm vihanaat kalonig, liester kalonoù)

1. (Korfadurezh) Organ kigennel kleuz ha talmus a dalvez da gas ar gwad e korf an dud pe al loened.
   • Talm ar galon.
   • Marc'h, roue Poulmarc'h, a veze laouen bras e galon pa c'helle mont da redek ar moc'h gouez e koadou bras e rouantelez. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 39.)
2. Poull ar galon: ar poull-kalon.
   • Pa glevan komz eus lazhañ ez a klañv ma c'halon. — (Jules Gros, Le trésor du breton parlé Deuxième Partie, 1970, p. 258.)
   • Sevel a ra ma c'halon diwar al laezh.
3. nerzh-kalon.
   • Kemer kalon.
   • Komer kalon, degouezhet omp tost. — (Fañch an Uhel, Kontadennoù ar Bobl/1, Al Liamm, 1984, p. 145.)
4. digeriñ kalon ub, e galon da ub : reiñ c'hoant da zebriñ
   • Ar falc'herezh a zo ul labour hag a zigor ar galon. — (Brogarour, Onenn, 1936, p. 86.)
5. rannañ kalon ub, e galon da ub.
6. sevel kalon ub

Deveradoù

• a galon
• a-greiz kalon
• digalon
• digalonegezh
• digalonekaat
• digalonekaet
• digalonekaus
• digaloniñ

• diskalonegezh
• diskalonek
• diskaloniñ
• fallgalon
• fallgalonet
• fallgaloniñ
• Gwengalon

• kalonad
• kalonded
• kalondev
• kalonegezh
• kalonek
• kalonekaat
• kalonekaus

• kalonenn
• kaloniezh
• kalonlosk
• kalonour
• kalonus
• ranngalon
• ranngalonus

Gerioù kevrennek

• biz-kalon

Troioù-lavar

• bezañ bihan e galon
• bezañ digor e galon, bezañ yac'h e galon
• bezañ e galon war ar c'hrilh
• bihanaat e galon
• digeriñ ar galon
• diskenn en e galon
• mont bihan e galon
• war e galon noazh

Krennlavarioù

• Patatez ha laezh
  A ra vad da galon gaezh.
• Un daouarn tomm hag ur galon yen
  A ra goap a veur a zen. — (Jules Gros, Le trésor du breton parlé Deuxième Partie, 1970, p. 396.), — (Jules Gros, Le trésor du breton parlé Troisième Partie, 1974, p. 318.)

Troidigezhioù

Organ (1) :

• alamaneg : Herz ^(de) nepreizh
• abkhazeg : агәы ^(ab)
• adygeieg : гу ^(ady)
• daneg : hjerte ^(da)
• esperanteg : koro ^(eo)
• frizeg : hert ^(fy)

• galleg : cœur ^(fr)
• gresianeg : καρδιά ^(el)
• ido : kordio ^(io)
• islandeg : hjarta ^(is)
• italianeg : cuore ^(it)
• katalaneg : cor ^(ca)

• kembraeg : calon ^(cy)
• koreaneg : 심장 ^(ko)
• kroateg : srce ^(hr)
• latin : cor ^(la)
• nederlandeg : hart ^(nl)
• norvegeg : hjerte ^(no) nepreizh

• portugaleg : coração ^(pt) gourel
• roumaneg : cord ^(ro)
• saozneg : heart ^(en)
• sinaeg : 心 ^(zh)
• spagnoleg : corazón ^(es) gourel
• svedeg : hjärta ^(sv)

Nerzh kalon (2) :

• esperanteg : kuraĝo ^(eo)
• galleg : courage ^(fr)
• saozneg : courage ^(en)

Gwelet ivez

• Ar pennad « kalon » e-barzh Wikipedia

Daveoù

Roll an daveoù :

• ^[1] : Lexique Étymologique des termes les plus usuels du Breton Moderne

Esperanteg

Furm anv-kadarn

kalon /ˈka.lɔn/

1. Unander an anv-kadarn kalo en akuzativ.