bloaz

Brezhoneg

Etimologiezh

Meneget er C'hatolikon (bloaz, bloez).

Da geñveriañ gant an anvioù-kadarn blwydd (b.) « bloaz » en kembraeg, bloedh (g.) « bloaz (oad) » en kerneveureg.

Deuet eus ur ger keltiek blēdā (b.), blēdom (g.), ar gerdarzhad dianav.

Kar d'ar gerioù blizenn, hevlene, warlene.

Anv-kadarn

bloaz /ˈblwɑː(s)/ gourel (liester : bloazioù)

1. Hed amzer ma vez an Douar oc'h ober an dro gevan d'an Heol.
2. Prantad daouzek miz (365 devezh) ; mont a ra eus ar c'hentañ a viz Genver d'an 31 a viz Kerzu.
   • Abaoe nav bloaz.

   • Hirañ deiz a zo er bloaz eo hemañ, — (Jules Gros, Le trésor du breton parlé Deuxième Partie, 1970, p. 217.)

   • Ha pa ven kant vloaz o labourat amañ noz-deiz ne rafen ket an hanter al labour. — (Fañch an Uhel, Kontadennoù ar Bobl/2, Al Liamm, 1985, p. 65.)
   • Ur mab en devoa bet ivez, met marvet e oa d'an oad a driwec'h vloaz. — (Fañch an Uhel, Kontadennoù ar Bobl/3, Al Liamm, 1988, p. 25.)
   • ...ha hepdale e tegouezh gantañ ur paotr a bemzek pe c'hwezek vloaz, hag eñ pilhoù holl. — (Fañch an Uhel, Kontadennoù ar Bobl/3, Al Liamm, 1988, p. 175.)
   • Oadet e oa a dregont vloaz, ha n'en doa graet anaoudegezh nemet gant an avel arnev ha gant heol an torgennoù. — (Jakez Riou, Geotenn ar Werc'hez ha danevelloù all, Al Liamm, 1957, p. 31.)
3. da vloaz, da-vloaz: ar bloaz a zeu, er bloaz a zeu
4. er bloaz-mañ, er bloaz-se, TBP 2/52
5. a-benn bloaz, a-benn ur bloaz
6. mont da gant vloaz
7. Pet vloaz
8. ar bloaz kozh
9. ar bloaz nevez
10. deiz kentañ ar bloaz
11. deiz-ha-bloaz
12. bezañ dek, ugent vloaz
    • me a oa seitek vloaz pa oan bet o tougen hennezh. TBP 2/139
    • Ha bugale vihan ! Petra eo an hini kosañ ? Pemp pe c'hwec'h vloaz ? — (Jules Gros, Le trésor du breton parlé Troisième Partie, 1974, p. 136.)
13. kaout dek, ugent vloaz

Notenn

Ne vez ket lakaet ar ger-mell amstrizh dirak « bloaz » e degouezhioù 'zo :

• Onenn Pennaroz a zo ur plac'hig koant a vloaz warn-ugent. — (Brogarour, Onenn, 1936, p. 37.)

Stummoù rannyezhel

• blez, ble (stummoù wenedek)

Gerioù heñvelster

• blizenn (ral, lennegel)

Deveradoù

• bloavezh
• bloavezhiad
• bloavezhiennoù
• bloaziad
• bloaziadañ

• bloaziadenn
• bloaziañ
• bloaziataer
• bloaziek

Krennlavarioù

• Kompren a ran ha da gompren am eus
  Ma timezan er bloaz-mañ, a-benn bloaz am bo reuz. — (SAV niv. 27, Nevez amzer 1943, p. 28.)

Troidigezhioù

• alamaneg : Jahr ^(de)
• esperanteg : jaro ^(eo)
• galleg : an ^(fr)
• iwerzhoneg : bliain ^(ga)  benel
• kembraeg : blwydd ^(cy)  benel , blwyddyn ^(cy)  benel

• kerneveureg : blydhen ^(kw)  benel
• nederlandeg : jaar ^(nl)
• saozneg : year ^(en)
• turkeg : yıl ^(tr)