torad

Brezhoneg

Etimologiezh

Savet diwar « tor » hag al losger « -ad ».

Anv-kadarn

torad benel /ˈtoː.rat/ (liester toradoù)

1. Pezh zo e-barzh an tor, ar boued zo bet debret.
   • Emañ o klask debriñ c'hoazh, hag eñ un torad ennañ. — (Jules Gros, Le trésor du breton parlé 1, p. 52.)
   • Sell ar gazhez kozh, penaos zo un torad enni. — (Jules Gros, Le trésor du breton parlé 2, p. 524.)
2. Hollad ar re vihan a vez douget ha ganet en ur wezh gant parezed ar bronneged.
   • Ken e welas un hoc'h gouez o tifoupañ er-maez eus ur brouskoad, ur wiz oa kentoc'h, un torad perc'hell bihan war he lerc'h... — (Goulc'han Kervella, Aada ha Narki, Al Liamm, 2008, p. 16.)
3. (Dre astenn-ster) (Pemdez) Hollad niverus a vugale eus ar memes tiegezh.
   • Nemet ec'h anavezer bugale an toradoù bras dre ma tougont pezhioù dilhad forbuet o breudeur gozh, dilhadoù hag a dalvezo c'hoazh d'ar breur war-lerc'h [...]. — (Pêr-Jakez Heliaz, Marh al lorh, Plon, 1986, p. 197.)
   • Yaouankoc'h den e oa Bussière, dimezet hag un torad mat a vugaligoù dezhañ, merc'hed holl war-bouez ur paotr bennak pe zaou. — (Yeun ar Gow, E skeud tour bras Sant-Jermen, 1955, eil emb. Al Liamm, 1978, p. 74.)

Gerioù heñvelster

• kofad (1 ; 2)
• gwizad (2)
• neizhad (2)

Rimadell

• Ma Doue benniget !
  Pebezh torad filiped !
  Triwec’h vi am boa laket
  Ha naontek filip am eus bet.

Troidigezhioù

Boued (1)

galleg : ventrée (fr)

Hollad ar re vihan (2)

alamaneg : Wurf (de) daneg : kuld (da) esperanteg : naskitaro (eo) finneg : poikue (fi) , pesue (fi) galleg : portée (fr) ido : parturajo (io) islandeg : samburi (is) , got (is) , ungi (is) lituaneg : vada (lt)

nederlandeg : worp (nl) portugaleg : ninhada (pt) roumaneg : pui (ro) rusianeg : приплод (ru) (priplód), помёт (ru) (pom'ót), выводок (ru) (vývodok) saozneg : litter (en) serb-kroateg : leglo (sh) sloveneg : leglo (sl)