saout

Brezhoneg

Saout brizh-du

Etimologiezh

→ Etimologiezh da glokaat (Ouzhpennañ) .

Furm anv-kadarn

saout /ˈsɔwt/

1. Furm lies an anv-kadarn buoc'h.
   • Mamm a yeas da gas ar saout da vaez. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 34.)
   • War an hent e kave, lies gwech, toucherien-loened o vont, en ur sakreal hag en ur lakaat o foetoù da strakal, da gas d'ar vag bandennadoù saout lart pennasket ha diaes da ren, bet prenet gant kigerien Pleiben evit re Vrest. — (Yeun ar Gow, E Skeud Tour Bras Sant Jermen, 1955, eil emb. Al Liamm, 1978, p. 11.)
   • Arabat e vo dit lezel ar saout da vont war ar melchon. — (Jules Gros, Le trésor du breton parlé Deuxième Partie, 1970, p. 23.)
   • Ar saout a vez goroet div wech bemdez. — (Jules Gros, Le trésor du breton parlé Deuxième Partie, 1970, p. 456.)
   • Amañ, em zi-me, a-zioc'h kraou ar saout, ez eus ur sanailh... — (Lan Inizan, Emgann Kergidu 1, Brest, 1877, eil emb. Al Liamm 1977, p. 41.)
   • Kement-se holl a leunie ar straed hag a zaoulamme e-giz ur vandennad saout pennfollet. — (Jakez Konan, Lannevern e Kañv ha Danevelloù All, Al Liamm, 1980, p. 28.)
   • Ha bep noz e tistroe hor c'hanfarded d'ar gêr, kollet ganto boned pe golier glas, ha ken mezv ma veze ret o gwintañ war vourzh gant ar gwindask hag ar poleoù da sevel ar saout hag ar seier glaou. — (Jarl Priel, Va Zammig Buhez, Al Liamm, 1954, p. 103.)
   • Pa voe debret koan, eta, goroet ar saout ha kousket ar vugaligoù, paotred ha merc’hed Landremel a gemeras hent Karreg-al-Louarn. — (Jakez Riou, An Ti Satanazet, Skridoù Breizh, 1944, p. 115.)

Gerioù heñvelster

• buoc'hed

Deveradoù

• kaoc'h-saout
• ki-saout
• paotr-saout
• plac'h-saout
• saout-kig
• saout-laezh
• saout-lart
• saout-mor
• tad-saout

Troioù-lavar

• Bezañ diwar saout ar vro
• Bezañ e saout er gêr
• Bro ar saout : al leur
• Galleg saout
• Na vezañ dall e saout
• Kas ar saout da beuriñ en ur park all

Troiennoù keñveriañ

• Genaouiñ evel saout

Krennlavaroù

• Ar saout a zebr lann
  A vez druz o amann
• Ar saout mat a vez gwerzhet eus ar gêr
• Da c'hortoz ar geot da sevel e varv kalz a saout gant an naon
• Diouzh an aez
  Eo kas ar saout er-maez
• Ebrel gant e gontelloù
  A gign ar saout hag al leueoù
• Itron Varia-Druez hag an Aotrou Sant Pêr
  A ro d'ar gwall saout kerniel berr
• Mar da an deñved da saout
  Ez eus glav da gaout
• Pa zeu ar mennedigoù da saout
  Ez eus glav da gaout
• Roit d'ar saout boued fraezh
  Hag e savo dienn war al laezh

Troidigezhioù

• galleg : vaches ^(fr) , bovins ^(fr)

• saozneg : cows ^(fr)

Gwelet ivez

• Ar pennad « saout » e-barzh Wikipedia