pont

Ur pennad eus ar Wikeriadur, ar geriadur liesyezhek frank a wirioù.
Mont da : merdeiñ, klask

Brezhoneg

WikiLettreMini.svg

Nuvola apps bookcase.svg Etimologiezh

Diwar ar ger latin pons.
Meneget er C'hatolikon (pont).
Da geñveriañ gant ar gerioù pont en kembraeg, pons en kerneveureg.

Open book 01.svg Anv-kadarn

pont /ˈpɔ̃n(t)/ gourel (liester : pontoù)

Ar pontoù du etre Landreger ha Priel
  1. → Termenadur da glokaat (Ouzhpennañ)
    • Anaout a rez "La Zamorrana" 'michañs, en tu-all d'ar pont war an Ebro. — (Youenn Drezen, Sizhun ar Breur Arturo, Al Liamm, 1971, p. 41.)
    • Kavet hon eus Herve ha me, an ozhac'h ouzh hor gortoz, kluchet e gwasked ar roc'h e-kichen ar pont. — (Abeozen, Pirc'hirin Kala-Goañv, Al Liamm, 1969, eil emb. 1986, p. 132.)
    • Ur c'hastell kozh e oa, en un enezenn e-kreiz ur stêrig, bet savet gwechall da zifenn harzoù Breizh, ha bremañ hanter ziskaret, ar vein kouezhet en dour o talvezout da bont evit tremen war an douar. — (Roparz Hemon, Mari Vorgan, Al Liamm, 1962, eil emb. 1975, p. 82.)
    • Diskenn a rechomp d'an traon hep sonjal hor boa freuzet ar pount er penn kenta euz an emgann. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 2.)
    • Ar memes tra a reas c’hoazh e-kreiz ur park nevez aret, etre daou benn ur pont istribilhet, hag en ur park-kirri a oa war-lein un tour. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 49.)
    • ..., nag ouzh an engroez martoloded ken stank ma 'z oa gronnet ar straedoù ganto, nag ouzh al lenn, pe ar pont bras hag al listri brezel er Penfeld. — (Jarl Priel, Va Zammig Buhez, Al Liamm, 1954, p. 78.)
    • Dizaon ouzh treid ar c'hezeg, ouzh kerniel ar saout, ouzh rodoù ar c'hirri, Yann a dreuz ar pont en ur redadenn, ... — (Jakez Riou, Geotenn ar Werc'hez ha danevelloù all, Al Liamm, 1957, p. 22.)
  2. Leur ul lestr
    • Ur gouel a zo henozh war al lestr, hag e rankan mont war ar pont. — (Roparz Hemon, Mari Vorgan, Al Liamm, 1962, eil emb. 1975, p. 10.)
    • ... ; kerkent ha m'am boa lonket va fred gant ur galon digor frank, me 'lavar deoc'h, e pignis war ar pont, sonnoc'h eget ur pipi, ... — (Jarl Priel, Va Zammig Buhez, Al Liamm, 1954, p. 88.)
    • ..., met un nozvezh teñval-sac'h e-pad an treuz e sailhas kanfarded eus eil batailhon an trede rejimant war ar c'horonal Von Krauze o vale war bont al lestr. — (Jarl Priel, Amañ hag Ahont, Al Liamm, 1957, p. 28.)
    • Bez' e oa, ledet a-hed o c'horf war ar pont, tri pe bevar babourzhad o vutuniñ pe o rambreal pep hini e-giz ma kare dezhañ. — (Jarl Priel, An Teirgwern Pembroke, Al Liamm, 1959, p. 70.)
  3. E-barzh anv kêrioù ha lec'hioù 'zo e Breizh.
    • Bet e oa en Pont-e-Kroaz war ar studi beleg. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 33.)
    • E-kreiz houmañ, izeloc'h, emañ an Dourdu, ur stêrig peskedus, o redek, en ur hiboudiñ, etremek Pont-ar-Veuzenn hag ar Stêr-Aon. — (Yeun ar Gow, E Skeud Tour Bras Sant Jermen, 1955, eil emb. Al Liamm, 1978, p. 14.)
    • ..., zoken, ur vigoudenn penn-tach pe ziv, a-ziwar-dro Pont-'n-Abad, o kinnig d'ar bardonerien limaioù bitous graet gant sukr rouzet. — (Yeun ar Gow, E Skeud Tour Bras Sant Jermen, 1955, eil emb. Al Liamm, 1978, p. 31.)
    • - Horrol eo ! eme Janed ar Go da Seza an Tougn, en ur lakaat ar c'houez da sec'hiñ ouzh an orjalennoù e balioù liorzh maner Pont-an- Traoñ. — (Abeozen, Pirc'hirin Kala-Goañv, Al Liamm, 1969, eil emb. 1986, p. 125.)
    • Diskenn a ran betek Pont-Krisr nemetken hag e kasin ganen letern ar marchosi, rak du-spontus eo an noz adarre. — (Abeozen, Pirc'hirin Kala-Goañv, Al Liamm, 1969, eil emb. 1986, p. 129.)

Deveradoù

Gerioù kevrennek

Troioù-lavar

Krennlavaroù

  • Pa vezer war bont Landerne
    Emañ ar fri e Leon hag ar revr e Kerne
  • Pa vezer war bont Landerne
    Ne vezer nag e Leon nag e Kerne

Troidigezhioù