ober un anv
(Adkaset eus ober un anv eus unan bennak)
Brezhoneg
Etimologiezh
- Diwar ar verb ober, ar ger-mell amstrizh un, an anv-kadarn anv, an araogenn eus hag unan bennak.
Troienn verb
ober un anv eus unan bennak /Distagadur ?/
- Ober gant un anv evit komz ouzh unan bennak pe diwar e benn, lavarout un anv eus unan bennak :
- Herri hag Henori a read eus an daou-man. — (G. MILIN, Gwechall-goz e oa..., Kemper, 1924, p. 3.)
- Gwechall-gozh ez oa e Breizh ur roue hag en doa ur mab pennhêr a raed Kaloneg anezhañ. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 9.)
- Gwrac’h an Enezenn, » emezo, « eo an ano a reomp eus ar gorrigan a zo o chom en enezenn a welez dirazout aze, teir leo bennak er mor. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 122.)
- ... Ha neuze, ar vugale-all a ra Yann Seitek eus ar paotr.» — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 239.)
- Ur soudard oa hemañ ; eus a barrez Plougouloum oa genidik, am eus klevet, hag Ivon a raed anezhañ. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 131.)
- Anaïs a vez greet anezi. — (Jules Gros, Le trésor du breton parlé Deuxième Partie, 1970, p. 385.)
- Me a ra ar Mêr anezañ bepred, hag eñ eet er-mêz. — (Jules Gros, Le trésor du breton parlé Deuxième Partie, 1970, p. 385.)
- Ankounac'heet am-eus petra a vez greet euz ar re-ze. — (Jules Gros, Le trésor du breton parlé Deuxième Partie, 1970, p. 385.)
- Ober e vamm, e dad, eus unan bennak:
- Hi a ree he zad anezañ. — (Jules Gros, Le trésor du breton parlé Deuxième Partie, 1970, p. 385.)
- E dad a ampeche anezañ da ober e vamm eus Roz. — (Jules Gros, Le trésor du breton parlé Deuxième Partie, 1970, p. 385.)