mintin

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

→ Etimologiezh da glokaat (Ouzhpennañ) .

Anv-kadarn

mintin /ˈmĩntĩn/ gourel (liester : mintinioù, mintinoù)

1. Penn kentañ an deiz.
   • Ne ris nemet ur c'housk hepken tre betek ar mintin ha, ... — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 23.)
   • Tud a boagn e oa ma zad-kozh ha ma mamm-gozh ha bemdez-Doue, azalek ar mintin betek an noz, pe eus an eil skerijenn d'eben, evel ma lavarer, ... — (Yeun ar Gow, E Skeud Tour Bras Sant Jermen, 1955, eil emb. Al Liamm, 1978, p. 10.)
   • ..., a zigore war ul liorzh a oa ma labour d'ar Sul vintin, ... — (Pêr Denez, Glas evel daoulagad c'hlas na oant ket ma re, Al Liamm, 1979, p. 7.)
   • ..., ne zeuas ar c'housked dezhañ nemet d'ar mintin abred, ... — (Youenn Drezen, Sizhun ar Breur Arturo, Al Liamm, 1971, p. 15.)
   • - Chuch 'ta ! Servij deiz-ha-bloaz Fañchig Kervastoue a oa er mintin-mañ, ... — (Yann Gerven, Brestiz o vreskenn, Al Liamm, 1986, p. 27.)
   • An dristidigezh ne deas ket diouti gant ar mintin. — (Roparz Hemon, Ho Kervel a rin en noz ha marvailhoù all, Al Liamm, 1970, p. 17.)
   • ..., hag abaoe ar mintin-mañ emaon o c'haloupat, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 40.)
   • Dioc'h ma lavar, e vezo distro a-benn emberr da noz, pe warc'hoaz vintin da zivezata. — (Gabriel Milin, Gwechall-goz e oa…, Kemper, 1924, p. 34.)
   • Bep mintin e tarzhe broñsoù hag e tigore bleunioù nevez. — (Jakez Riou, Geotenn ar Werc'hez ha danevelloù all, Al Liamm, 1957, p. 13.)

Gerioù heñvelster

• beure

Deveradoù

• mintinaat
• mintiniad
• mintinvezh
• mintinvezhiad

Gerioù kevrennek

• kousk-mintin
• oferenn-vintin

Troioù-lavar

• mintin-c'houloù
• mintin-mat

Krennlavarioù

• Evit pakañ louarn pe gad
  Eo ret sevel mintin mat
• Evit tapout [konikl/louarn] pe c'had
  Eo ret sevel mintin mat
• Ur gevnidenn diouzh ar mintin
  Sin a wall fin
  Ur gevnidenn diouzh an noz
  Sin a geloù mat antronoz

Troidigezhioù

• galleg : matin ^(fr)