louzoù

Brezhoneg

Etimologiezh

Meneget er C'hatolikon (lousou).

Da geñveriañ gant ar strollderioù llysiau en kembraeg, losow en kerneveureg.^[1]

Ar henliester un unanderenn henvrezhoneg *lus, da dostaat ouzh les en kerneveureg ha lus en iwerzhoneg. Dont a rafe diwar ur ger keltiek *lussu-, a zeufe eus ur stumm indezeuropek *h₁ludʰ-tu-, deveret eus ar verb *h₁leudʰ- « fiñval », heñvel ouzh luid « eas, yeas » en heniwerzhoneg, lēodan « kreskiñ » en hensaozneg, līberi « bugale » en latin, ródhati « a gresk » ha vīrúdh- « plant, struzh » en skañskriteg.^[2]

Anv-kadarn

louzoù /ˈluː.zu/ benel strollder, (liester louzeier, unanderenn louzaouenn)

1. Plant geotennek.

   Louzoù fall.

2. Legumaj, plant geotennek mat da zebriñ rann pe rann anezho. Lavaret a reer ivez louzoù-kegin, louzoù-pod.

   Bewañ diwar louzoù-kegin.

3. Remed.

   N'eus na louzoù, na remed.

   Hag ez eo deut gantit al louzoù evit hon zad? -Ya avat, deuet eo ganen al louzoù. KAB 3/92

   ... diskouez eta al louzoù mar emañ ganit. KAB 3/92 (Ur ger unan e seblant bezañ amañ)

   • N'eus ket kavet louzou ebed c'hoaz da wellaad ar hañser. — (Jules Gros, Le trésor du breton parlé Deuxième Partie, 1970, p. 326.)

Doareoù-skrivañ all

En doare-skrivañ etrerannyezhel e vez skrivet lousoù, lousaouenn.

Stummoù rannyezhel

• lezeu (stumm gwenedek)

Deveradoù

• louzaoua
• louzaouaer
• louzaouaerezh
• louzaouaj

• louzaoueg
• louzaouer
• louzaouer-chatal
• louzaouer-kezeg

• louzaouerezh
• louzaouiñ
• louzawour
• louzawouriezh

Gerioù kevrennek

• drouglouzoù
• louzoù-c'hwediñ
• louzoù fall
• louzoù fin
• louzoù-frondus
• louzoù-kegin
• louzoù-kest

• louzoù-kouez
• louzoù-kousk
• louzoù-mailhoù
• louzoù-pod
• louzoù-preñv

• louzoù-razhed
• louzoù-saourus
• louzoù-skarzh
• louzoù-sklis
• louzoù-sko
• louzoù-spurj

Troidigezhioù

• galleg : herbes ^(fr) (mauvaises ou médicinales) ; légumes ^(fr) , plantes potagères ^(fr)  ; remède ^(fr)
• kembraeg : llysiau ^(cy)

• kerneveureg : losow ^(kw)
• saozneg : herbs ^(en)  ; weeds ^(en)  ; vegetables ^(en)  ; remedy ^(en)

Daveoù

Roll an daveoù :

• ^[1] : Albert Deshayes, Dictionnaire étymologique du breton, Douarnenez, Le Chasse-Marée, 2003, p. 476-77.
• ^[2] : Nicholas Zair, The Reflexes of the Proto-Indo-European Laryngeals in Celtic, Leyden, Brill, 2012, p. 50.