krial

Brezhoneg

krial /ˈkriːal/ verb gwan (anv-gwan-verb : kriet) (displegadur)

Reiñ ur griadenn, kriadennoù da glevet (diwar-benn an dud)
- Hag hi da c'hervel ar person, ha da grial : [...]. — (Fañch an Uhel, Kontadennoù ar Bobl/3, Al Liamm, 1988, p. 202.)
- Ruilh a raent diwar o gwele, mes ne vezent ket lazhet holl en ur gouezhañ : krial, en em erbediñ a raent... — (Lan Inizan, Emgann Kergidu 1, Brest, 1877, eil emb. Al Liamm 1977, p. 37.)
- Hag e viot souezhet neuze o klevet anezho o krial : « Harz ar bleiz ! » pa deuio an dud fall da esa diswriziennañ eus ho kalon karantez an Aotrou Doue ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 217.)
- N'ouzon doare pe eo mouezh e wreg o krial a vroudas anezhañ, [...]. — (Jakez Konan, Lannevern e kañv ha danevelloù all, Al Liamm, 1980, p. 26.)
Leñvañ
- Ia, ken nez oa ho mamm d'ar vugaligou baour, ma teuaz pevar anezho d'en em deuler e barlenn ho mamm en eur vouela hag en eur grial : [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 263.)
- [...] : ar vugale a grogas da grial, o stardan oute dorn o mamm. — (Erwan ar Moal, Pipi Gonto, Kemper, 1925, p. 104.)
Krial forzh : gelver unan bennak da zont war e sikour (pa vezer taget peurvuiañ), ha dre astenn-ster, krial a vouezh uhel-kenañ
- En deiz all e kleven unan o krial forzh e vuhez ouzh-krec'h du-mañ. — (Jules Gros, Le trésor du breton parlé Deuxième Partie, 1970, p. 164.)

krial verb kreñv dieeun

Krial ouzh unan bennak : gelver unan bennak
- <skouer.>
Krial war-lerc'h unan bennak : diskouez e zisplijadur e-keñver unan bennak
- <skouer.>
Krial war unan bennak, ul loen bennak : lavaret a vouezh uhel
- A zo gwir, rak ur wech sac'het va c'harr da vat ha kaer er grenegell ken ne ouien ken pe haik ! pe wichedrou ! krial war va c'hezeg, [...]. — (Jarl Priel, Va Buhez e Rusia, Al Liamm, 1955, p. 17.)

Pa vez tomm an heol da Ouel ar Chandelour e ya al louz d'e doull en ur grial forzh. — (Jules Gros, Le trésor du breton parlé Troisième Partie, 1974, p. 326.)