krampouezh

Brezhoneg

Etimologiezh

Meneget er C'hatolikon (crampoezenn).

Da geñveriañ gant ar gerioù cramwyth(en) ha crempog(en) en kembraeg, crampeth(en) en kerneveureg.

Anv-kadarn

Pilad Krampouezh

krampouezh /ˈkrãm.pwes/ strollder (unanderenn krampouezhenn)

1. Meuz, doare galetez tanav, graet gant bleud, vioù, holen, laezh pe zour.
   • Me ra ma c'hrampouezh war ar gleurc'h. — (Jules Gros, Le trésor du breton parlé 1, p. 260.)
   • Eus keit-se ne glevi ket c'hwezh ar c'hrampouezh e Lokemo ! — (Jules Gros, Le trésor du breton parlé 1, p. 261.)
   • Pa vez boullboazh ar c’hrampouezh e vezont sammus d’an estomak. — (Jules Gros, Le trésor du breton parlé 2, p. 455.)
   • Krampouezh a gaver mat ivez. N'eo ket krampouezhennoùigoù a-vec'h ur genaouad anezho, met krampouezh ken ledan hag ar billig vras. — (Tad Medar, An tri aotrou, Brest, 1981, p. 27.)

Deveradoù

• krampouezher
• krampouezherez

Gerioù kevrennek

krampouezh kaoc'h krampouezh-koukoug krampouezh-logod krampouezh-mitaou

krampouezh-mouzig krampouezh vioù mamm-grampouezh ti-krampouezh

Troioù-lavar

• ober krampouezh war an dour
• ober krampouezh war revr unan bennak
• war don ar c'hrampouezh gwinizh

Troidigezhioù

galleg : crêpes (fr) kembraeg : cramwyth (cy) , crempog (cy)

kerneveureg : crampeth (kw) saozneg : pancakes (en)

Gwelet ivez

• Ar pennad « krampouezh » e-barzh Wikipedia