komz ouzh unan bennak

Brezhoneg

Etimologiezh

Diwar ar verb komz, an araogenn ouzh hag unan bennak.

Troienn verb

komz ouzh unan bennak /Distagadur ?/

1. Mont ouzh unan bennak dre ar prezeg
   • Komzet he deus ouzhin. — (Fañch an Uhel, Kontadennoù ar Bobl/1, Al Liamm, 1984, p. 101.)
   • An ebeul bihan a gomzas outañ. — (Fañch an Uhel, Kontadennoù ar Bobl/2, Al Liamm, 1985, p. 146.)
   • Hag e komze outañ hag e kane dezhañ. — (Fañch an Uhel, Kontadennoù ar Bobl/3, Al Liamm, 1988, p. 147.)
   • An itron a gomzas outi evel-henn : …, — (Fañch an Uhel, Kontadennoù ar Bobl/3, Al Liamm, 1988, p. 148.)
   • [...], hag e komze outi evel eus ur vignonez, [...]. — (Fañch an Uhel, Kontadennoù ar Bobl/1, Al Liamm, 1984, p. 170.) ???
   • Un dervezh e voe klevet o komz outañ evel-hen : [...]; — (Lan Inizan, Emgann Kergidu 1, Brest, 1877, eil emb. Al Liamm 1977, p. 109.)
   • — [...]. Mez ne c'houzoun ket perak e choman keit-all da gomz oc'h tud hag o deuz kollet ho fenn ; [...] ? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 67.)
   • Komz a reant an eil ouc'h egile. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 126.)
   • — Pa gomzign-me out-han e velo, rak me am beuz guelet meur a velek epad an dispac'h. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 315.)
   • Klevet e veze o komz ouzh Doue, a-wezhioù gant doujañs hag en ur grenañ, hag a-wezhioù all evel ma komz ur mignon ouzh e vignon. — (Gabriel Morvan, Buez ar Zent, Brest, 1894, p. 635.)
   • C'hwi eo an hini ho poa c'hoant da gomz ouzhin. — (Ivon Krog, Klenved ar Medalennou, Ti-moulerez Sant-Gwilherm, Sant-Brieg, 1909, p. 33.)
   • Gwelet a ra anezhi o walc'hiñ e c'har hag e c'houli dezhañ ; he c'hlevet a ra o komz ouzh he breur [...]. — (G. MILIN, Gwechall-goz e oa..., Kemper, 1924, p. 24.)
   • Ur plac'h yaouank a gomze outañ hep ober goap. — (Jakez Riou, Geotenn ar Werc'hez ha danevelloù all, Al Liamm, 1957, p. 32.)
   • Ar paotr kozh eo a oa o komz outañ. — (Ronan Huon, Ar Gwennili-mor, Al Liamm niv. 77, Du-Kerzu 1959, p. 412.)
   • [...], ha komz a rae ouzhimp gant ur vouezh ken garv hag hini ur person kanton. — (Jarl Priel, An Teirgwern Pembroke, Al Liamm, 1959, p. 16.)
   • Ar penn-ourz-se na gomz ouz den ebed. — (Jules Gros, Le trésor du breton parlé Première Partie, 1966, p. 216.)
   • Emañ aze o kildroënni en-dro dezi ha na gred ket kaozeal outi. — (Jules Gros, Le trésor du breton parlé Deuxième Partie, 1970, p. 258.)
   • "N'eo ket hepken e welfet ho mab, mes komz outañ a refet, hag eñ a gomzo ouzhoc'h. [...]." — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 42.)

Troidigezhioù

• galleg : s'adresser à quelqu'un ^(fr)