flouroc'h

Brezhoneg

Etimologiezh

Savet diwar an anv-gwan flour hag an dibenn-ger -oc'h

Furm anv-gwan

flouroc'h /ˈflu.rːɔx/

1. Derez-uheloc'h an anv-gwan flour
   • — Ha yaouank e oan c'hoaz, emezan, nevez desket ganin va micher gwiader, — dilezet abaoe, abalamour m'eo deut d'he c'holl al lien bourc'hiz hag ar c'hoton a estren-vro, flouroc'h da groc'hen korf mab-den, - [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 207.)
   • Un aezhenn flouroc'h a c'hwezhe diouzh ar c'huzh-heol. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 85.)
2. Flouroc'h eget :
   • Deredet e oa, a-herr, en arbenn d'he c'haredig, eus ar pellañ m'he doa e spurmantet ; koantoc'h ha flouroc'h he dremm eget biskoazh, ha treuzwelusoc'h hec'h ene, hervez doare, egetdour an andon sklaerañ. — (Langleiz, Romant ar Roue Arzhur/levrenn I : Marzhin, Al Liamm, 1975, p. 177.)
3. Flouroc'h evit :
4. Flouroc'h-flourañ : muioc'h-mui flour

Troidigezhioù

• galleg : plus douce ^(fr) (s), doux ^(fr) (que)

Etimologiezh

Savet diwar flour-, pennrann ar verb flourañ, hag an dibenn-ger -oc'h

Furm verb

flouroc'h /ˈfluː.rɔx/

1. Furm ar verb flourañ en eil gour lies an amzer-da-zont, en doare-disklêriañ

Stummoù all

• flourot

Stummoù rannyezhel

• flourfet

Troidigezhioù

• galleg : (vous) caresserez ^(fr)