flour

Ur pennad eus ar Wikeriadur, ar geriadur liesyezhek frank a wirioù.
Mont da : merdeiñ, klask

Brezhoneg

Nuvola apps bookcase.svg Etimologiezh

(Anv-gwan) → Etimologiezh da glokaat (Ouzhpennañ)
(Furm verb) Savet diwar flour-, pennrann ar verb flourañ, hep dibenn-ger.

Open book 01.svg Anv-gwan

Derez Furm
Derez-plaen flour
Derez-uheloc'h flouroc'h
Derez-uhelañ flourañ
Derez-estlammiñ flourat

flour /ˈfluːr/

  1. Dous, plijus stekiñ outañ.
  2. Dous, plijus da glevout.
    • Komzoù flour.
    • Kaoz, kaozioù flour.
    • Ouzhpenn an didu da welout an tren, o deveze c'hoazh, e giz-se, digarez da zistroiñ d'ar gêr, e-ser kontañ kaozioù brav ha flour, [...]. — (Yeun ar Gow, E Skeud Tour Bras Sant Jermen, 1955, eil emb. Al Liamm, 1978.)
  3. Dous, plijus da welout.
    • [...] dremm laezhek ha perlezennoù du daoulagad flour Onenn Pennaroz. — (Brogarour, Onenn, Gwengamp, 1936, p. 55.)

Deveradoù

Gerioù kevrennek

Troidigezhioù

Open book 01.svg Adverb

flour /ˈfluːr/

  1. En un doare flour.
    • Emañ war laez, ’barzh er gambr wenn
      O kribat flour he blev melen.
      — (Kloareg Laoudour, e-barzh Bleuniou-Breiz, Th. Clairet, Kemperle, 1862, p. 72.)
    • Skediñ a reas ivez he dent e skrin he diweuz ruz-livet, ha daou doullig a fivilas en he divjod kigennet-flour. — (Youenn Drezen, Sizhun ar Breur Arturo, Al Liamm, 1971, p. 31.)
  2. Komz flour da unan bennak, ouzh unan bennak : komz brav, en un doare plijus, hegarat.
    • Onenn he deus komzet flour dezhañ, he deus komzet c'hwek [...]. — (Brogarour, Onenn, Gwengamp, 1936, p. 57.)
  3. Kanañ flour.
    • Kement den a oa eno a anaveze hag an ton hag ar son, hag a gane flour, flour, m’en asur deoc’h [...] — (Fañch al Lae, Bilzig, Kemper, 1925, p. 159.)

Open book 01.svg Furm verb

flour /ˈfluːr/

  1. Furm ar verb flourañ e trede gour unan an amzer-vremañ, en doare-disklêriañ.
  2. Furm ar verb flourañ en eil gour unan an doare-gourc'hemenn.
    • ... flour anezhañ gwellañ ma c'halli, ... LAWI 141