Skoazell:Penaos kemmañ ur bajenn

Ur pennad eus ar Wikeriadur, ar geriadur liesyezhek frank a wirioù.

Fellout a ra deoc'h kenlabourat ? N'eo ket diaes ! Gant ar pennad-mañ e vo displeget deoc'h penaos kemmañ ur bajenn evit ouzhpennañ danvez, he reizhañ pe reiñ ur stumm kempennoc'h. Buan hag aes e vez graet an traoù, evel m'emaoc'h o vont da welet !

Pennreolenn an titouriñ frank ha digor eo.

Kammed-ha-kammed[kemmañ]

Ar simplañ ar gwellañ eo ar sistem. Digorit ar poull traezh da skouer a-benn pleustriñ, Ur bajenn e-lec'h ma c'heller ober taolioù-esae eo.

  1. Fellout a ra doc'h kemmañ ar bajenn-se ? Klikit war an ivinell « kemmañ » a zo e penn uhelañ pep pajenn (petra bennak ma vefe ar bajenn ho po dibabet).
  2. Gwelout a reot ur bajenn gant ur stern gwenn hag un destenn er c'hreiz. Evit gwir ez eo « kod wiki » ar bajenn emaoc'h o vont da gemmañ. Kemmit an destenn, ouzhpennit traoù, reizhit ar fazioù reizhskrivadur. Arabat eo bezañ chalet gant feson an destenn, dont a ray ur wikipedour arroutet d'ober war-dro ho testennoù d'o fesoniñ.
  3. Fellout a ra deoc'h gwelet neuz ar bajenn gemmet ? Klikit war « Rakwelet » dindan ar stern. Gwelet a reot ar pajenn evel ma vo gwelet diwezhatoc'h gant ur merdeer. Erbediñ a reer ober ur rakweladenn a-benn klask ar vioù-koukoug, hag all.
  4. Echu eo ganeoc'h ? Klikit war « Enrollañ ».
  5. Setu, echu eo, gwelet a rit bremañ ar pennad kemmet.

Ereadur diazez ar Wikeriadur a vo kavet er bajenn Skoazell:Diazezoù ereadur ar Wikeriadur.

Ereadur klok ar « c'hod wiki » a ro tu da fesoniñ an destenn a vo kavet war bajenn ereadur ar Wikeriadur. Met n'ho po ket ezhomm eus an dra-se moarvat, nemet ha fellout a rafe deoc'h mont pelloc'h a-benn krouiñ patromoù da skouer.

Taolit evezh
Daou ganlabourer a c'hell klask kemmañ ar memes pajenn d'ar memes koulz (ral-kenañ eo). A-benn neuze e vo lavaret deoc'h dre ar munud gant ur gemennadenn petra ober a-benn kadarnaat ho kinnig en ur zerc'hel kont eus ar c'hinnig all.

Gwelet ivez[kemmañ]